काठमाडौँ । इन्डोनेसियामा हुने १८औं एशियन खेलका लागि २० सदस्यीय नेपाली राष्ट्रिय फुटबल टिमको घोषणा भएको छ ।
अखिल नेपाल फुटबल संघ एन्फाले आइतबार एक विज्ञप्ति सार्वजनिक गर्दै इन्डोनेसिया जाने अन्तिम २० खेलाडी छानेको हो । टोलीको मुख्य प्रशिक्षकमा जापानी प्रशिक्षक ग्याथुकी कोजु र प्रशिक्षकमा बालगोपाल महर्जन छन् । एशियन खेल अन्डर-२३ बर्षको प्रतियोगिता भएकोले यस खेलमा ३ जना खेलाडी मात्र २३ बर्ष भन्दा माथि उमेरकाले खेल्ने पाउने छन् ।
प्रतियोगिता आगामी साउन २९ देखि भदौ १ सम्म हुने छ ।
छनोटमा परेका खेलाडी :
गोलकिपर : किरणकुमार लिम्बु, ऐलन न्यौपाने र सोजित गुरुङ
डिफेन्डर : गौरव बुढाथोकी, छिरिङ गुरुङ, अनन्त तामाङ, आदित्य तामाङ, कमल श्रेष्ठ, सुमन अर्याल, दिनेश राजवंशी
मिडफिल्डर : रोहित चन्द, हेमन्त गुरुङ, हेमन्त थापा मगर, अन्जन विष्ट, तेज तामाङ, अभिषेक रिजाल
फरवार्ड : सुनिल वल, भरत खवास, सुमन लामा र विमल घर्तिमगर
एशियन खेलकुदको पुरुष तर्फको फुटबलमा एशियाका ३२ देशले भाग लिदै छन् । यस अघिको विजेता दक्षिण कोरिया रहेको छ ।