- २०८१ बैशाख ८ शनिबार
सुनसरी । सुनसरीको कोशी गाउँपालिका-८ स्थित सप्तकोशी पुलबाट स्काईभेटर बोकेको ट्रक कोशी नदीमा खस्दा २ जनाको मृत्यु भएको छ भने ७ जना घाइते भएका छन् ।
मृत्यु हुनेमा ट्रक चालक सुनसरी रामधुनी नगरपालिका-१ झुम्का बस्ने ४० वर्षिय घनस्याम चौधरी र स्काईभेटर चालक बराहा नगरपालिका-१ बस्ने बिनोद बराईली रहेका छन् ।
दुर्घटनामा परि गम्भिर घाइते भएका दुबैजनाको उपचारको क्रममा मृत्यु भएको हो ।
आज मध्यान्ह १२ बजे को १ क १०४३ नम्बरको स्काईभेटर बोकेर जाँदै गरेको ना ४ ख ३५६ नम्बरको ट्रक कोशीमा खसेको थियो ।
प्रहरीका अनुसार दुर्घटनामा परी घाईते भएकामध्ये ३ जनालाई थप उपचारको लागी बिराट नर्सिङहोम बिराटनगर पठाइएको छ भने ४ जनाको ईनरुवा अस्पतालमा उपचार भइरहेको छ ।
