- २०८१ बैशाख ८ शनिबार
काठमाडौं । साढे ३३ किलो सुन तस्करी प्रकरणका मुख्य अभियुक्त चूडामणि उप्रेती गोरे सहितका तीन जनालाई सम्पत्ति शुद्धिकरणबारे छानबिन हुने भएको छ ।
गोरे सहित एसएसपी श्याम खत्री र राप्रपा प्रजातान्त्रिकका नेता भुजुङ गुरुङलाई सोमबार विराटनगरबाट काठमाडौं ल्याइँन लागेको छ ।
प्रहरीले जिल्ला अदालतको स्वीकृतिमा उनीहरुलाई काठमाडौं ल्याउँदै छ । सम्पत्ति शुद्धिकरणमा अनुसन्धान गर्नका लागि उनीहरुलाई काठमाडौं ल्याउन लागिएको हो भने उनीहरुमाथि छानबिन समितिले सुन प्रकरणमा पनि थप अनुसन्धान गर्ने बताइएको छ ।
सुन तस्करीका मुख्य आभियुक्त मानिएको गोरेले तस्करीमा एसएसपी श्याम खत्रीलाई पोलेका छन् भने खत्रीले आफुलाई लगाइएको आरोपको खण्डन गर्दै आफुले सुन तस्करी नगरेको बताएका छन् ।
