- २०८१ बैशाख ११ मंगलबार
काठमाडौं । सर्वसाधारणको १० अर्बभन्दा बढी ठगी गरेको अभियोगमा जेल परेका व्यापारी सुधीर बस्नेत रिहा भएका छन् ।
२०७३ पुसको दोस्रो साता पक्राउ परेका बस्नेत डिल्ली बजार सदरखोरबाट सोमबार नै रिहा भएका हुन् ।
सहकारीको निक्षेप ठगी आरोप काठमाडौं र भक्तपुर जिल्ला अदालतले बस्नेतलाई जेल सजाय सुनाएको थियो ।
जिल्ला अदालत काठमाडौंले २ वर्ष कैद र ५ करोड ९१ लाख ९७ हजार जरिवाना र सोहि प्रकृतिको अर्को मुद्दामा ६ महिना कैद र ४ लाख ९४ हजार जरिवानाको फैसला सुनाएको थियो ।
यस्तै भक्तपुर जिल्ला अदालतले पनि २ वर्ष कैद र ८४ हजार रुपैयाँ जरिवानाको फैसला सुनाएको थियो ।
सर्वसाधारणको १० अर्ब बढी ठगेका बस्नेतले जेल सजाय काटेपछि अदालतले तोकेको जरिवाना तिरेसँगै रिहा भएका हुन् ।
