नेकपा प्रदेश ४ को संसदीय दलको नेतामा पृथ्वीसुब्बा गुरुङ सर्वसम्मत

खरीबोट
ad

पोखरा । नेकपा (एमाले) र नेकपा (माओवादी केन्द्र) बीच पार्टी एकीकरणपछि बनेको नेपाल कम्युनिस्ट पार्टीको प्रदेश नं ४ को संसदीय दलको नेतामा पृथ्वीसुब्बा गुरुङ निर्विरोध निर्वाचित भएका छन् । 

पार्टी एकीकरणपछि दुवै दलका तर्फबाट प्रदेशसभामा प्रतिनिधित्व गर्ने प्रदेशसभा सदस्यको आज बसेको पहिलो संसदीय दलको बैठकले गुरुङलाई दलको नेतामा निर्वाचित गरेको प्रदेशसभा सदस्य मायानाथ अधिकारीले जानकारी दिए । 

बैठकमा प्रदेशसभा सदस्य एवं आन्तरिक मामिला तथा कानूनमन्त्री हरिबहादुर चुमानले गुरुङलाई संसदीय दलको नेता चयन गर्न राख्नु भएको प्रस्तावलाई सर्वसम्मत अनुमोदन गरिएको थियो । 

बैठकले पार्टीको संसदीय दलको विधान निर्माण गर्न प्रदेश सदस्य मायानाथ अधिकारी, रामजीप्रसाद बराल (जीवन) र गायत्री गुरुङ रहनु भएको तीन सदस्यीय कार्यदल गठन गरेको छ । 

त्यसैगरी पार्टीको पदाधिकारी टुङ्गो लगाउन संसदीय दलका नेता एवं प्रदेश नं ४ का मुख्यमन्त्री गुरुङ, पार्टी केन्द्रीय सदस्यसमेत रहनुभएका आर्थिक मामिला तथा योजनामन्त्री किरण गुरुङ र आन्तरिक मामिला तथा कानूनमन्त्री चुमान रहेको समिति गठन गरेको छ । 

संसदीय दलको बैठक ज्येष्ठ प्रदेशसभा सदस्य जनकलाल श्रेष्ठको अध्यक्षतामा बसेको थियो ।
 

सम्बन्धित समाचार

प्रदेश ४ मा राजश्व र व्ययको वार्षिक अनुमान विषयक छलफल

पोखरा / प्रदेश नं ४ को प्रदेशसभा बैठकमा असार १ गते आर्थिक मामिला तथा योजना मन्त्री किरण गुरुङले प्रस्तुत गरेका आव २०७५÷७६ को राजश्व र व्ययको वार्षिक अनुमानका सम्बन्धमा आइतबारदेखि

प्रदेश ४ को नीति तथा कार्यक्रम बहुमतले पारित

पोखरा । प्रदेश नं ४ को आज बसेको बैठकले प्रदेश सरकारको २०७५÷०७६ को वार्षिक नीति तथा कार्यक्रम पारित गरेको छ ।  प्रदेशसभामा प्रस्तुत नीति तथा कार्यक्रमलाई पारित गरियोस् भन्दै मुख्यमन्त्री पृथ्वीसुब्बा गुरुङले राखेकको उक्त

काँग्रेसले अवरोध गरेपछि मार्सल लगाएर प्रदेशसभा बैठक सञ्चालन

पोखरा । प्रदेश नं ४ को आइतबार बसेको प्रदेशसभा बैठक प्रतिपक्षी दल नेपाली काँग्रेसले अवरोध गरेपछि मार्सल लगाएर सञ्चालन गरिएको छ ।  प्रदेशसभामा पहिले टेबुल भएका विधेयक र प्रस्ताव पहिले नै छलफल

प्रदेश ४ को प्रदेशसभा प्रतिपक्षी दल काँग्रेसद्वारा अवरोध

पोखरा । प्रदेश नं ४ को आज बसेको प्रदेशसभा बैठकमा प्रतिपक्षी दल नेपाली काँग्रेसले अवरोध गरेको छ ।  बैठकको शुरुमा नै प्रदेशसभामा पहिले टेबुल भएका विधेयक र प्रस्ताव पहिले नै छलफल गरी