काठमाडौं । फिफाले विश्वकपको आधिकारिक गीत सार्वजनिक गरेको छ । निकी जामले गाएको गीतमा हलिउड अभिनेता तथा गायक विल स्मिथ र इरा स्टेरेफीले साथ दिएका छन् ।
‘लिभ इट अप’ नाम रहेको यो गीतलाई फिफाले यूट्युब, एप्पल म्युजिक, आईटुन, गुगलप्ले र स्पोटिफाइबाट एकैपटक सार्वजनिक गरेको हो ।
चर्चित अमेरिकन डिजे डिप्लोले निर्माण गरेको यो गीतमा सन् २०१० को दक्षिण अफ्रिकी विश्वकपमा सकिराले गाएको वाका वाका र सन् २०१४ मा पिटबुलले गाएको ओले ओलाको थिम पनि सुन्न सकिन्छ ।
३२ देशले भाग लिने फिफा विश्वकप आगामी जुन १४ मा रसियामा सुरु हुदै छ ।