काठमाडौँ । नेपाल प्रहरीका ५ डिआईजीको सरूवा भएको छ ।
गृहमन्त्री रामबहादुर थापाले मन्त्रीस्तरीय निर्णय गर्दै पाँच डिआइजीको सरूवा गरेका हुन् ।
अपराध अनुसन्धान ब्युरोमा रहेका डिआईजी पुस्कर कार्कीलाई राष्ट्रिय प्रहरी प्रशिक्षण प्रतिष्ठान सरूवा गरिएको छ भने छबिलाल जोशीलाई राष्ट्रिय प्रहरी प्रशिक्षण प्रतिष्ठानबाट प्रहरी प्रधान कार्यालय कार्य विभागमा सरूवा गरेको छ ।
यस्तै महानिरीक्षकको सचिवालयमा रहेका मनोज न्यौपानेलाई महानगरीय प्रहरी कार्यालय रानीपोखरी सरूवा गरेका छन् ।
त्यस्तै प्रदेश प्रहरी कार्यालय प्रदेश १ का ज्ञानबिक्रम शाहलाई प्रहरी प्रधान कार्यालय मानव स्रोत विभागमा सरूवा गरेको छ ।
प्रहरी प्रधान कार्यालयका डिआईजी धिरू बस्नेतलाई अपराध अनुसन्धान विभाग सरूवा गरिएको छ ।