पंजावलाई हराउदै प्लेअफको नजिक पुग्यो मुम्बई 

खरीबोट

काठमाडौँ । आइपिएल अन्तर्गत मुम्बई इण्डियन्सले सनसनीपूर्ण जित हासिल गर्दै प्लेअफमा आफ्नो सम्भावनालाई जिवितै राखेको छ ।

गएराती भएको खेलमा किंग्स इलेभेन पंजावविरुद्ध ३ रनको जित हासिल गर्दै प्रतियोगितामा आफ्नो सम्भावना जिवितै राखेको हो ।

मुम्बईले दिएको १८७ रनको लक्ष्य पछ्याएको पंजाव २० ओभरमा ५ विकेट गुमाउदै १८३ रन मात्र बनाएपछि मुम्बईले खेल ३ रनले जितेको हो ।

मुम्बईको जितमा हिरो बेनेका छन् बलर जसप्रित बुम्राह । बुमराहले ४ ओभरमा केबल १५ रन दिएर ३ विकेट लिएका थिए । त्यस्तै अर्का बलर म्याकघेलनले २ विकेट लिएका थिए ।
पंजावकालागि केएल राहुलले सर्वाधिक ९४ रन बनाएका थिए भने एरोन फिंचले ४६, क्रिस गेलले १८ रन बनाएका थिए । 

यसअघि टस हारेर पहिला ब्याटिंग गरेको मुम्बईले २० ओभरमा ८ विकेट गुमाउदै १८६ रन बनाएको थियो ।  मुम्बईका लागि केरोन पोलार्डले सर्वाधिक ५० रन बनाए भने क्रुनाल पाण्डेयले ३२, सूर्यकुमार यादवले २७ र इशान किशनले २० रन बनाएका थिए । 

खेलको म्यान अफ द म्याच मुम्बईका जसप्रित बुमराह बनेका थिए । 

जितपछि मुम्बईको १३ खेलमा १२ अंक भएको छ भने राम्रो रनरेटका कारण मुम्बई तालिकामा चौथो स्थानमा उक्लिएको छ । पंजावको पनि १३ खेलमा १२ अंक नै भएपनि कम्जोर रन रेटका कारण छैठौ स्थानमा झरेको छ । 

आइपिएलको आजको खेल रोयल च्यालेन्जर्स बैंगलोर र सनराइजर्स हैदरावादबीच हुदै छ । 
 

सम्बन्धित समाचार

आइपिएलमा सट्टेबाजी गर्ने नागराज जेल चलान 

काठमाडौं । इन्डियन प्रिमियर लिग क्रिकेट(आईपीएल) मा सट्टेबाजी  खेलाउने भन्दै विभिन्न व्यक्तिलाई ठग्ने नागराज, अमृत भनिने नथमल अग्रवाल जेल चलान भएका छन् । महोत्तरी घर भएका राकेश सिंहलगायतका व्यक्तिसँग उनले आईपीएलमा

आइपिएलका विस्फोटक ब्याट्सम्यान रिसभ पन्त भारतीय टेस्ट टिममा, रोहित शर्मा परेनन्

नयाँदिल्ली । भारतका विस्फोटक ब्याट्सम्यान रोहित शर्मा इङल्याण्डविरुद्धको पहिलो तीन टेस्टमा टिममा पर्न असफल भएका छन् ।  आगामी अगस्त एकबात सुरु हुने टेस्ट खेलका लागि घोषणा गरिएको १८ सदस्यीय टिममा

अरबाज खानले आइपिएलमा सट्टा लगाएको स्वीकारे, सट्टामा २.७५ करोड हारेको खुलासा 

मुम्बई । बलिवुडका सुपरस्टार सलमान खानका भाई अरबाज खानले प्रहरीसमक्ष आफुले आइपिएलमा सट्टा लगाउने गरेको बयान दिएका छन् । प्रहरीले आइपिएलमा भारत र भारत बाहिर सट्टा लगाउने ठुलो गिरोहलाई पक्राउ गरेपछि

सलमानका भाई अरबाज खान आइपिएल सट्टा प्रकरणमा, प्रहरीले बयानका लागि बोलायो

मुम्बई । आइपिएलमा सट्टा लगाएको आरोपमा बलिवुडका सुपरस्टार सलमान खानका भाई अरबाज खानलाई प्रहरीले बयानका लागि पत्र काटेको भारतीय मिडियाले उल्लेख गरेका छन् । प्रहरीले आइपिएलमा भारत र भारत बाहिर सट्टा