प्रदेश न. २ मा चुनाव : जलेश्वरको प्रमुख पदका लागि राजपा नेपालका नौ आकाँक्षी

खरीबोट

गौशाला । तेस्रो चरणअन्तर्गत प्रदेश नं २ मा हुने स्थानीय तह निर्वाचनमा राष्ट्रिय जनता पार्टी नेपालबाट महोत्तरीे जलेश्वर नगरपालिकाको प्रमुख पदमा नौ जना आकाँक्षी देखिएका छन् ।

पार्टी चुनावमा जाने निर्णय गरेलगत्तै महोत्तरी जिल्लामा पार्टीले उम्मेदवारको टुंगो लगाउन खटाएको केन्द्रीय पर्यवेक्षक गोविन्द चौधरीका अनुसार जलेश्वरमा सर्वसम्मतिको वातावरण बन्न नसकेपछि प्रमुख पदमा नौ जना सम्भाव्य उम्मेदवारका नाम आएका छन् । राजपा नेपालबाट नगरप्रमुख पदका सम्भाव्य उम्मेदवारमा सुशील शर्मा, सुरेश पाण्डे, सुरेशप्रसाद सिंह, सुरेन्द्रप्रसाद सिंह, दीपुकुमार साह, रामशंकर मिश्र, रोशन महासेठ, रामसिकिल चौधरी र जयरुद्र झा रहेको केन्द्रीय पर्यवेक्षक चौधरीले बताए ।

त्यस्तै उमप्रमुखमा पनि सहमतिको वातावरण बन्न नसकेपछि पाँच जनाको नाम आएको पर्यवेक्षक चौधरीले बताए । उपप्रमुखका लागि गुन्जनकुमारी राय, मुनचुन देवी महतो, अनिताकुमारी साह, प्रान्ती पाठक र कलिमा खातुनको नाम आएको उनले बताए । राजपा नेपालका विगत तीन दिनदेखि पटकपटक जलेश्वरमा बसेको बैठकले सर्वसम्मतिको वातावरण तयार गर्न नसक्दा जलेश्वरका प्रमुखमा नौ जना र उपप्रमुखमा पाँच जना सम्भाव्य उम्मेदवारको नाम अघि आएको छ ।

यसैबीच सो पार्टीको केन्द्रीय समितिले महोत्तरीमा सर्वसम्मतिको वातावरण बनाउन डा विजय सिंह, श्रीमती सुरिता साह, सुनिल रोहित, रानी तिवारी, जैनुल राईन र श्याम यादवसहितका छ सदस्य उच्चस्तरीय समिति पठाएको छ । सो उच्चस्तरीय समितिले जलेश्वरका प्रमुख र उपप्रमुखमा सर्वसम्मतिका लागि प्रयास गरिरहेका छन् ।

तर यस उच्चस्तरीय समितिले पनि सर्वसम्मती रुपमा उम्मेदवारको नाम टुंगो लगाउन नसकेपछि केन्द्रीय समितिले नै यहाँको प्रमुख र उपप्रमुखको नाम टुंगो लगाउने केन्द्रीय पर्यवेक्षक गोविन्द चौधरीले बताए । दश नगरपालिका र पाँच गाउँपालिका रहेको महोत्तरीेमा राजपाका लागि जलेश्वर नगरपालिकामा नै उम्मेदवार चयन गर्न मुख्य समस्या भएको छ भने अन्य नगरपालिका र गाउँपालिकामा त्यति खासै समस्या नरहेको सो दलका नेताहरु बताउँछन् ।

सम्बन्धित समाचार

निर्वाचनपछिको उथलपुथल : कांग्रेसमा भद्रगोल, एमाले डिफेन्सिभ, माओवादी केन्द्र जिल्ल

  नेपालको राजनीतिमा दुई चरणको स्थानीय निर्वाचन पछि बाहिर देखिने रुपमा ठुलो उथल पुथल नभए पनि पार्टीहरु भित्र भित्रै ठुलो उथल पुथल भएको छ । कांग्रेस माओवादी केन्द्रलाई साफ पारेर देशको

जनसंख्या र भूगोललाई आधार मानी निर्वाचन क्षेत्र निर्धारण गर्न सुझाव

पोखरा, जनसंख्या र भूगोललाई मुख्य आधार मानी संघीय र प्रदेश सभाका सदस्यको निर्वाचन क्षेत्र निर्धारण गर्न सुझाव दिइएको छ । निर्वाचन क्षेत्र निर्धारण आयोगले विभिन्न राजनैतिक दल,नागरिक समाज, कानून व्यवसायी, सञ्चारकर्मी,

‘विधिसम्मत पार्टी नचल्दा स्थानीय तह निर्वाचनमा दोस्रो’ : नेता सिंह

नेपाली काँग्रेसका नेता प्रकाशमान सिंहले पार्टी नेतृत्व विधिसम्मत र प्रभावकारीरुपमा नचल्दा स्थानीय तह निर्वाचनमा दोस्रो स्थानमा खुम्चनु परेको बताएका छन् । नेपाल तरुण दल काठमाडौँले स्थानीय तहमा निर्वाचित जनप्रतिनिधिको सम्मान, मन्त्रिपरिषद्मा

होला त प्रदेश र संघीय संसदको निर्वाचन एकै पटक ?

दुई चरणको स्थानीय तहको निर्वाचन सम्पन्न भएपछि अब तेस्रो चरणको निर्वाचन आगामी असोज २ गतेलाई तोकिएको छ । दलहरु प्रदेस नम्बर दुईमा हुने तेस्रो चरणको स्थानीय तहको निर्वाचनको तयारीमा लागे