सरकारमा जान नपाएका कमल थापाले देउवालाई धन्यवाद दिदै भने 'कोर्स करेक्सन' गर्ने मौका

खरीबोट

काठमाडौँ, राष्ट्रिय प्रजातन्त्र पार्टीका अध्यक्ष कमल थापाले समाजिक संजालमा राप्रपाको वर्तमान अवस्था बारे लेख्दै प्रधानमन्त्री शेरबहादुर देउवाले गर्दा राप्रपाले कोर्स करेक्सन गर्ने मौका पाएको बताएका छन् । सरकारमा जाने मन हुदा हुदै पनि त्यसबाट बन्चित गरिएको भन्दै अध्यक्ष थापाले अब बार्गेनिंग गरेर सरकारमा नजाने बताएका छन् । अध्यक्ष थापाले सामाजिक संजाल मार्फत दिएको पछिल्लो अभिव्यक्ति यस्तो छ :

राप्रपालाई नियतिले फेरी एक मौका दिएको छ । सत्ताकेन्द्रित र सत्तामुखि राजनीतिबाट अलग भै सिद्धान्त र आदर्शको राजनीति गर्ने तथा संगठन निर्माण र सुदृढिकरणमा केन्द्रित रहने । हाम्रो छनौट भन्दा पनि यो अवसर प्रधानमन्त्री शेरबहादुर देउवाको सौजन्यताबाट प्राप्त भएको हो । पार्टीभित्रको आन्तरिक गतिशीलता एवं परिस्थितिसंग सम्झौता गर्नु पर्ने अवस्थाको पृष्ठभूमीमा राप्रपाले देउवालाई प्रधानमन्त्री निर्वाचनमा मतदान गरेको हो । सरकारमा सहभागी हुनेवारे राप्रपा भित्र एकमत थिएन । तथापि प्रधानमन्त्रिलाई भोट हालेको र सरकारलाई समर्थन गरेको हुंदा स्वभाविक रुपले राप्रपा सरकारमा सहभागी हुने मनस्थितिमा थियो । प्रधानमन्त्री देउवाले माओवादी केन्द्रका अध्यक्ष प्रचण्ड, राप्रपाका बरिष्ठ नेता पशुपती शमसेर राणा र म स्वयंको उपस्थितिमा उप्रप्रधानमन्त्री सहित चार मन्त्रालय लिएर सरकारमा सहभागि हुन आग्रह पनि गर्नु भएको हो ।

अन्ततः मन्त्रिपरिषदको दोस्रो बिस्तार पनि भयो । कारण जेसुकै होस् तर, राप्रपा सरकारमा जाने साईत जुरेन । अब शेरबहादुर देउवाको नेतृत्वमा बनेको वर्तमान सरकारमा राप्रपा सहभागी हुने अध्याय समाप्त भएको छ । कुनै वार्गेनिङ वा मोलतोलले राप्रपाको यो निर्णयलाई प्रभावित गर्न सक्दैन ।

यसलाई म नियति कै निर्णय मान्दछु । राप्रपा राष्ट्रवादी प्रजातान्त्रिक शक्ति हो । २०६२/६३ को आन्दोलन पछि परिवर्तनलाई संस्थागत गर्नेक्रममा अबलम्वन गरिएका नीति र मार्गचित्र राष्ट्रहित अनुकुल नहुने ठहर गरि वैकल्पिक बिचार र बाटोसहित नेपालको राष्ट्रिय राजनीतिमा राप्रपा क्रियाशील हुंदै आएको छ । सर्वधर्म समभाव र पुर्ण धार्मिक स्वतन्त्रता सहितको सनातन हिन्दुराष्ट्र, राजसंस्था सहितको लोकतन्त्र, सुदृढ स्थानिय स्वायत्त शासन प्रणाली र आर्थिक उदारवाद राप्रपाको मुख्य बैचारिक आधारस्तम्भहरु हुन् । सबल र सम्बृद्ध नेपाल हाम्रो लक्ष्य हो । राप्रपाले संबिधानलाई आलोचनात्मक समर्थन गरेको छ । संबिधान र संबैधानिक व्यवस्थासंग सहकार्य गर्दै प्रजातान्त्रिक बाटोबाट जनताको अभिमत प्राप्त गरि आफ्नो मान्यता र लक्ष्य स्थापित गर्ने राप्रपाको घोषित नीति हो । यो मान्यतालाई थप बलियो बनाउने उदेश्यका साथ राप्रपा नेपाल र राप्रपा बिच ऐतिहासिक एकता समेत भएको हो ।

यस प्रकार राप्रपाको बिचार र बाटो स्पष्ट छ । तर, केही समययता पार्टी सत्तामुखि हुंदै गएको तथा सिद्धान्तबाट बिचलित भएको अनुभुती पार्टी कार्यकर्ता तथा सहयोगी शुभचिन्तकहरुमा तिव्ररुपले भैरहेको थियो । यसैबिच स्थानिय तहको दुईचरणको चुनावमा राप्रपाको परिणाम निराशाजनक रह्यो ।

उपरोक्त पृष्ठभूमीमा पार्टी भित्र गंभीर आत्मसमिक्षा र 'कोर्स करेक्सन'को आबश्यकता अनिवार्य हुन गएको थियो । हामी त्यो आँट जुटाउन सकिरहेका थिएनौ । आखिर नियतिले त्यो परिस्थिति निर्माण गरिदिएको छ । राप्रपाले फेरी एकपटक मौका पाएको छ । यसअर्थमा शेरबहादुरजीलाई धन्यवाद दिनु आबश्यक ठान्दछु । यो अवसरलाई गुमाउने धृष्टता हामी गर्न सक्दैनौ ।

सम्बन्धित समाचार

 राप्रपा सल्यानको जिल्ला समिती नै एमालेमा विलय

सल्यान । कमल थापाले नेतृत्व गरेको राप्रपा नेकपा एमाले सल्यानमा विलय भएको छ ।  सदरमुकाम खलंगामा एमाले पार्टी कार्यालयमा आज आयोजित पत्रकार सम्मेलनमा राप्रपाबाट सहमहामन्त्री मनोजकुमार प्रधान, केन्द्रीय सदस्य राजेन्द्रवीर राई,

राष्ट्रवादी शक्तिबीच एकताको आह्वान गर्दै राप्रपा बैठक सकियो

काठमाडौँ ।  राष्ट्रिय प्रजातन्त्र पार्टीले समान विचार भएका र राष्ट्रवादी शक्तिलाई एकताका लागि आह्वान गर्ने निर्णय गरेको छ ।  यही पुस १९ गतेदेखि आजसम्म बसेको पार्टी केन्द्रीय कार्यसमितिको बैठकले निर्वाचनको पूर्वसन्ध्यामा भएको पार्टी

नेपाली काँग्रेससँग तालमेल गर्नु नै पराजयको कारण : राप्रपा

काठमाडौँ ।  राष्ट्रिय प्रजातन्त्र पार्टीको केन्द्रीय कार्य समितिको बैठकमा बोल्ने अधिकांश नेताले निर्वाचनमा नेपाली काँग्रेससँग तालमेल गर्नु नै पार्टी पराजय हुनुको मुख्य कारण भएकोमा जोड दिएका छन् ।  पार्टी प्रवक्ता भुवन पाठकका अनुसार

तीन राप्रपाको एकीकरण प्रयास हुदै

काठमाडौँ । पञ्चायत पृष्ठभूमिका विभाजित पार्टीहरुलाई एकीकृत वा नाम परिवर्तन गरी नयाँ पार्टी स्थापना गर्न तीन वटै राप्रपाका नेताबीच विमर्श शुरु भएको छ ।  हालै सम्पन्न प्रतिनिधिसभा र प्रदेशसभा निर्वाचनमा राष्ट्रिय पार्टी बन्न