प्रदेश नं ७ लाई देशकै नमूना बनाउँछौं : सभामुख थापा

खरीबोट

बझाङ । भेटघाटका लागि गृहजिल्ला बझाङ पुगेका प्रदेश नं ७ का सभामुख अर्जुनबहादुर थापाले आफ्नो प्रदेशलाई देशकै नमूना बनाउने बताएका छन् । 

नेपाल पत्रकार महासंघ बझाङ शाखाले गरेको स्वागत तथा सम्मान कार्यक्रममा सभामुख थापाले जनतामुखी बजेट ल्याइने बताए । 

‘गाउँको विकास भए मात्र देशको विकास हुन्छ । हिजो सिहंदरबारको मुख ताकेर बसेका जनतालाई अहिले गाउँगाउँमा अधिकार दिइएको छ । विकास अल्पकालीन हैन दीर्घकालीन हुनुपर्छ,’ उनले भने । 

सभामुख थापाले भने, ‘जेठको पहिलो साता बजेट अधिवेशन हुँदैछ, पश्चिम सेती, अपर सेतीलगायत युवालाई आत्मानिर्भर हुने खालका योजना ल्याउन पहल गर्नेछु ।’ 

बझाङको विकासका लागि ग्रामीण भेगमा बनेका सडकको स्तरोन्नति, केन्द्रीय प्रसारणलाइन जोड्ने, चैनपुर ताक्लोकोट सडकखण्डको सुरुङमार्ग हिउँ जम्ने ठाउँमा निर्माण गर्ने र सदरमुकाम चैनपुरलाई नमूना सदरमुकाम बनाउन बजेट विनियोजन गर्ने उनको भनाइ छ । 

साइपाल गाउँपालिकाबाट हुने जडीबुटीको अवैध चोरी–निकासी रोक्न स्थानीय सरकारले पहल गर्नुपर्ने थापाले बताए । विकासका लागि तेरो मेरो हैन हामी सबैको हो भन्ने भावना सबैमा जाग्नु आवश्यक रहेको उनको भनाइ थियो ।

सम्बन्धित समाचार

प्रदेश ७ को सभामुखमा अर्जुनबहादुर थापा निर्विरोध निर्वाचित

धनगढी । प्रदेश नम्बर ७ को सभामुखमा बझाङबाट प्रदेशसभा सदस्यमा विजयी नेकपा एमालेका अर्जुनबहादुर थापा निर्विरोध निर्वाचित भएका छन् । सभामुखका लागि वाम गठबन्धनका थापाको मात्र उम्मेदवारी परेपछि थापा निर्विरोध निर्वाचित