बार्सिलोना सिजनमा अपराजित रेकर्ड राख्न दुई खेल टाढा, भिल्लारियलविरुद्ध डेम्बेलेले गरे २ गोल

खरीबोट

काठमाडौँ । स्पेनिस ला लिगामा बार्सिलोनाको अपराजित यात्रा जारी रहेको छ । 

गएराती भएको खेलमा बार्सिलोनाले भिल्लारियललाई ५-१ गोल अन्तरले पराजित गर्दै यस सिजनमा अहिलसम्म अपराजित रहेको छ । बार्सिलोना पुरै सिजनमा अपराजित हुने रेकर्ड राख्न अब दुई खेल टाढा रहेको छ ।

बार्सिलोनाको घरेलु मैदानमा भएको सो खेलमा बार्सिलोनाका लागि ओउसमन डेम्बेलेले २ गोल गरेका थिए भने फिलिप कोन्टिन्हो, लियोनेल मेसी र पउलिन्होले एक-एक गोल गरेका थिए । भिल्लारियलका लागि एक मात्र गोल निकोला सानसनले गरेका थिए ।

कोन्टिन्होले पछिल्ला आफ्ना ४ खेलमा ३ गोल बार्सिलोनामा आफ्नो गतिलो सुरुवात गरेका छन् भने बार्सिलोनाबाट अब यस सिजन पछि बिदा लिन लागेका आन्द्रे इनेस्टाले मेसीको गोल असिस्ट गरेका थिए भने ६१औ मिनेटमा लुइस स्वरेजसँग रिप्लेस हुन्अघि उनलाई दर्शकले उठेर बिदाइ गरेका थिए ।

यस खेलमा जित भएसँगै बार्सिलोना ला लिगामा ४३ खेलमा अपराजित हुदै यस सिजनमा खेलेका ला लिगाका पुरै खेलमा अपराजित बनेको छ । गत बर्षको अप्रिलदेखि खेलेका ला लिगाका खेलमा बार्सिलोना अपराजित हुदै आएको छ । यस सिजनमा खेलेका ३६ खेलमा बार्सिलोना २७ खेलमा जित हासिल गरेको छ भने ९ खेलमा बराबरीमा रोकिएको छ ।

खेल सुरु हुनुअघि भिल्ला रियलका खेलाडीले यस सिजनको ला लिगा जितेको बार्सिलोनाका खेलाडीलाई गार्ड अफ अनर दिएका थिए । 

लिगमा बार्सिलोनाले अब दुई खेल खेल्न बाँकी छ । बार्सिलोनाले आगामी मे १४ मा लेभान्टेसँग खेल्ने छ भने मे २१ मा रियल सोसियाडाडसँग खेल्ने छ ।
 

सम्बन्धित समाचार

रोनाल्डो बिना रियल म्याड्रिडको विजयी सुरुवात, कार्भाजल र बेलले गरे गोल  

काठमाडौँ।  स्पेनिस ला लिगामा रियल म्याड्रिडले विजयी सुरुवात गरेको छ।  गएराती भएको खेलमा रियल म्याड्रिडले गेटाफेलाई २-० ले पराजित गर्दै नयाँ सिजनको उत्कृष्ट सुरुवात गरेको हो।  रियलको जितमा डानियल कर्भाजल र

ला लिगामा बार्सिलोनाको विजयी सुरुवात, मेसीले बनाए नयाँ रेकर्ड 

काठमाडौँ। ला लिगामा गत बर्षको च्याम्पियन बार्सिलोनाले विजयी सुरुवात गरेको छ।  गएराती भएको ला लिगाको पहिलो खेलमा बार्सिलोनाले डिपोर्टिभो आल्भेजलाई ३-० गोल अन्तरले पराजित गर्दै विजयी फुरुवात गरेको छ।  बार्सिलोनाका लागि

रियलले गर्यो इन्टर मिलानविरुद्ध फिफामा उजुरी, मोड्रीचसँग गैरकानुनी तवरले सम्पर्क गरेको आरोप 

काठमाडौँ। स्पेनिस क्लब रियल म्याड्रिडले आफ्ना मिडफिल्डर लुका मोड्रीचलाई इटालियन क्लब इन्टर मिलानले गैरकानुनी तवरले सम्पर्क गरिरहेको विषयमा फिफामा उजुरी गरेको छ। रियलले क्रोसियन प्लेमेकर मोड्रीचलाई इटाली लैजान खोजेको भन्दै

रियल म्याड्रिडलाई हराउदै एथलेटिकोले जित्यो युइएफए सुपरकपको उपाधि

काठमाडौँ।  एथलेटिम्याड्रिडले रियल म्याड्रिड पराजित गर्दै यूएफए सुपरकपको उपाधि जितेको छ । च्याम्पियन्स लिग विजेता र युरोपियन कप विजेता टिमबीच खेलिने यस सुपरकपमा एथलेटिकोले अतिरिक्त समयसम्म खेलिएको खेलमा रियललाई ४-२