लिभरपुल च्याम्पियन्स लिगको फाइनलमा, उपाधिका लागि रियल म्याड्रिडसँग भिड्ने 

खरीबोट

काठमाडौं । लिभरपुल च्याम्पियन्स लिगको फाइनलमा प्रवेश गरेको छ । 

सेमिफाइनलको दोस्रो लिगमा एएस रोमासँग ४-२ गोल अन्तरले पराजित भएपनि समग्रमा ७-६ ले विजयी हुदै प्रतियोगिताको फाइनलमा पुगेको हो ।

रोमाको घरेलु मैदानमा भएको अत्यन्त हाई भोल्टेज खेलमा रोमाले पहिलो लिगको अन्तरलाई घटाउने प्रयास गरेपनि असफल भएको थियो । रोमाका लागि नैनगोलनले दुई तथा डिजेकोले एक गोल गरेका थिए भने एक गोल लिभरपुलका जेम्स मिलनरले आत्मघाती गोल गरेका थिए ।

त्यस्तै लिभरपुलका लागि एक गोल साडियो मानेले गरे भने जर्जिनियो विजनालडमले एक गोल गरेका थिए ।

खेलको ९औ मिनेटमा मानेले गोल अग्र्दै लिभरपुललाई सुरुवाती अग्रता दिलाएका थिए भने खेलको १५औ मिनेटमा लिभरपुलका मिलनरले आत्मघाती गोल गर्दै खेल १-१ को बराबरी भएको थियो । त्यसपछि खेलको २५औ मिनेटमा लिभरपुलका विजनालडमले गोल गर्दै लिभरपुलको अग्रता दोब्बर पारेका थिए । 

पहिलो हाफमा २-१ ले अगाडी रहेको लिभरपुललाई दबाब बनाउदै दोस्रो हाफमा रोमा खेलमा फर्किने पुरै कोशिश गरेको थियो । खेलको ५२औ मिनेटमा रोमाका लागि डिजेकोले गोल गर्दै खेल २-२ को बराबरी गरेका थिए भने खेलको ८५औ र इन्जुरी समयमा (पेनाल्टी) बाट रोमाका नैनगोलनले गोल गर्दै खेल ४-२ अन्तरले जिते पनि पहिलो लिगको ५-२ अन्तरको हार रोमालाई महँगो पर्यो । समग्रमा लिभरपुलले ७-६ ले खेल जित्यो र फाइनलमा पुग्यो ।

च्याम्पियन्स लिगको फाइनल अब रियल म्याड्रिड र लिभरपुलबीच हुने भएको छ । आगामी २७ तारिखमा युक्रेनको किभमा हुने छ ।  
 

सम्बन्धित समाचार

इजिप्टका वकिलले एक बिलियन युरो क्षतिपूर्ति माग्दै रामोसविरुद्ध मुद्दा हाले 

काठमाडौँ । लिभरपुलका इजिप्टियन स्ट्राइकर मोहमद सलाह च्याम्पियन्स लिगमा घाइते भएर मैदान छोडेपछि नयाँ ट्वीस्ट आइरहेको छ । रियल म्याड्रिडका डिफेन्डर सर्जियो रामोसले लडाएर घाइते भएपछि खेलको ३०औ मिनेटमा नै मैदान

च्याम्पियन्स लिगको फाइनलमा ग्यारेथ बेलको 'बाइस्कल-किक' गोल 

काठमाडौँ । च्याम्पियन्स लिगको फाइनलमा ग्यारेथ बेलले बाइस्कल किक मार्फत हानेको गोलको अहिले विश्वभर चर्चा रहेको छ । फाइनल खेलमा २ गोल गरेका बेलले पहिलो गोल बाइस्कल किक हान्दै गरेका थिए

रामोस भिलेन बनेपछि सलाहको यस सिजनको दुखद अन्त्य 

काठमाडौँ । यस सिजनमा उत्कृष्ट प्रदर्शन गरेका लिभरपुलका इजिप्टियन फुटबलर मोहमद सलाहको सिजन दुखद रुपमा टुंगिएको छ । गएराती भएको च्याम्पियन्स लिगको फाइनल खेलमा पहिलो हाफको २८औ मिनेटमा रियल म्याड्रिडका सर्जियो

रियल म्याड्रिडले जित्यो च्याम्पियन्स लिगको उपाधि, सुपरसब बेलले गरे दुई गोल 

काठमाडौँ । रियल म्याड्रिडले लगातार तेस्रो सिजनको च्याम्पियन्स लिगको उपाधि जितेको छ । गएराती भएको फाइनल खेलमा लिभरपुललाई ३-१ गोल अन्तरले पराजित गर्दै आफ्नो १३औ च्याम्पियन्स लिगको उपाधि जितेको हो