मुम्बई । बलिवुड अभिनेता आमिर खानले बलिवुडको अहिलेसम्मकै ठुलो बजेटको फिल्म ‘महाभारत’ को तयारीमा जुटेका छन् ।
मिडिया रिपोर्टका अनुसार आमिर खानले कृष्णको भुमिका निभाउने भएका छन् । यसैबीच फिल्ममा महाभारतका ऐतिहासिक पात्रहरुको भुमिका कसले गर्ला भन्ने चर्चा सुरु भएको छ ।
भारतीय मिडियामा चर्चित अभिनेत्री दीपिका पदुकोनेलाई आमिरले द्रोपदीको भुमिकामा खेलाउन चाहेको उल्लेख गरिएको छ ।
ऐतिहासिक कथामा आधारित पद्मावतको विवाद पछि दीपिकाले महाभारतमा द्रोपदीको भूमिका निभाउछिन या निभाउदीनन् यस बारे अझै निर्क्यौल नभएपनि दीपिकाले द्रोपदीको भूमिका निभाएमा फिल्मको हाइट भने बढ्ने सजिलै अनुमान लगाउन सकिन्छ ।
करिब एक हजार करोडको बजेटमा बन्ने यस फिल्मलाई भारतका सबैभन्दा धनि मुकेस अम्बानीले लगानी गर्ने यस अघि नै निधो भइसकेको छ ।