मेसी बने यसबर्ष धेरै कमाउने फुटबलर, रोनाल्डोले भन्दा २८ मिलियन बढी कमाए 

खरीबोट

काठमाडौँ । लियोनेल मेसीले यस सिजनमा क्रिस्टियानो रोनाल्डोले भन्दा २८ मिलियन पाउण्ड बढी कमाई गरेको रिपोर्ट सार्वजनिक भएको छ । 

फ्रान्स फुटबलले सार्वजनिक गरेको एक रिपोर्ट अनुसार मेसीले सय मिलियन पाउण्डको ब्यारियरलाई तोड्दै २०१७-१८ सिजनमा ११० मिलियन पाउण्ड कमाई गर्ने भएका छन् । 

योसँगै मेसी यसबर्ष सबै भन्दा बढी कमाई गर्ने फुटबलर बनेका छन् । मेसीको यो कमाईमा उनको बार्सिलोनाबाट आउने पारिश्रमिक, स्पोन्सर सम्झौता र बोनस इत्यादी रहेको उल्लेख गरिएको छ ।

फुटबलमा सधै एक अर्काका प्रतिद्वन्दी रहेका रोनाल्डोलाई यस पटक मेसीले जितेका छन् । मेसीले बार्सिलोनामा गरेको नयाँ सम्झौता अनुसार पनि मेसीको कमाई बढेको हो ।

मेसीले २०२१ सम्मका लागि बार्सिलोनामा ६२६ मिलियन पाउण्डको रिलिज क्लजसहित सम्झौता गरेका छन् । साथै मेसीले बार्सिलोनामा ८० मिलियन साइनिंग बोनस पनि लिएका थिए ।

यस सुचिमा रोनाल्डो ८२ मिलियन पाउण्ड कमाई गर्दै दोस्रो स्थानमा रहेका छन् ।  धेरै कमाई गर्ने फुटबलरको तेस्रो स्थानमा पिएसजीबाट खेल्ने ब्राजिलियन नेइमार रहेका छन् । उनको कमाई ७१ मिलियन पाउण्ड रहेको छ ।

त्यस्तै सुचीको चौथो स्थानमा रियल म्याड्रिडकै ग्यारेथ बेल रहेका छन् । उनले ३९ मिलियन पाउण्ड कमाई गरेका छन् । त्यस्तै पाचौ स्थानमा बार्सिलोनाका जेरार्ड पिके रहेकाछन् उनले २५ मिलियन पाउण्ड कमाई गरेका छन् ।

यस सूचिको टप फाइभमा प्रिमियर लिग क्लबका कुनै खेलाडी परेका छैनन् । 

त्यसैगरि धेरै कमाई गर्ने म्यानेजरमा भने म्यानचेस्टर युनाइटेडका जोसे मोरिन्होले बाजी मारेका छन् । मोरिन्होले यस सिजनमा २३ मिलियन पाउण्ड कमाई गरेका छन् । त्यस्तै चीनियाँ राष्ट्रिय फुटबल टिमका म्यानेजर मार्सेलो लिप्पीले २० मिलियन पाउण्ड कमाई गर्दै दोस्रो स्थानमा रहेका छन् ।

त्यस्तै एथलेटिको म्याड्रिडका म्यानेजर डिएगो साइमेअनले १९ मिलियन कमाई गर्दै तेस्रो स्थानमा छन् भने रियल म्याड्रिडका जिनेदिन जिदानले १८ मिलियन र म्यान्चेस्टर सिटीका पप गार्डियालाले १७.५ मिलियन पाउण्ड कमाई गर्दै सूचिको चौथो र पाचौ स्थानमा रहेका छन् ।    
 

सम्बन्धित समाचार

बर्षको उत्कृष्ट गोलका लागि रोनाल्डोसहित ११ खेलाडीको मनोनयन सार्वजनिक, को को परे ? 

काठमाडौँ। युरोपियन फुटबल फेडेरेशनले गत सिजनको गोल अफ द सिजनको लागि ११खेलाडीले गरेको गोल छनौट गरेको छ।  यूएफएले सार्वजनिक गरेको गोलको सुचीमा तत्कालिन रियल म्याड्रिडका क्रिस्टियानो रोनाल्डोले च्याम्पियन्स लिगको खेलमा युभेन्टसविरुद्धगरेको

ब्राजिलका रोनाल्डो स्पेनको आइल्याण्डमा अचानक अस्वस्थ, उपचारका लागि अस्पताल भर्ना  

काठमाडौँ।  ब्राजिलका लिजेण्ड फुटबलर रोनाल्डो छातीमा समस्या भएपछि अस्पतालमा भर्ना भएका छन्।   ४१ बर्षिय रोनाल्डोले अचानक छातीमा समस्या भएपछि हतारमा अस्पतालमा लागिएको स्थानीयमिडिया ले उल्लेख गरेको डेली मेलले लेखेको छ।

लियोनेल मेसी बने बार्सिलोनाको नयाँ कप्तान 

काठमाडौँ । अर्जेन्टिनाका कप्तान लियोनेल मेसी बार्सिलोनाका पनि कप्तान बनेका छन्।   आन्द्रे इनेस्टाले बार्सिलोना छोडेपछि मेसीलाई बार्सिलोनाले नयाँ कप्तान बनाएको हो। मेसी २०१५ देखि नै बार्सिलोनाको उपकप्तान थिए। बार्सिलोनाको नयाँ

रोमामाथि रियल म्याड्रिडको जित, ग्यारेथ बेलले रोनाल्डोको ठाउ लिदै 

काठमाडौँ।  रियल म्याड्रिडले हाल जारी इन्टरनेशनल च्याम्पियन्स कपमा इटालियन क्लब एएस रोमालाई पराजित गरेको छ।  बुधबार बिहान भएको खेलमा रियलले रोमालाई २-१ गोल अन्तरले पराजित गरेको हो।  रियलको जितमा मारको एसेन्सियो