युट्युबले तीन महिनामा ८३ लाख अश्लील भिडियो हटायो  

खरीबोट
ad

उत्तर अमेरिका । सन् २०१७ को पछिल्लो तीन महिनामा भिडियो साइट युट्युबले ८३ लाख भिडियोहरु आफ्नो साइटबाट हटाएको छ । साइटमा नचाहिँदा भिडियोहरु हटाउन तदारुकता नदेखाएको भन्दै आलोचना बढेपछि युट्युबले विभिन्न किसिमका भिडियोहरु हटाएको हो । 

हटाएका अधिकांश भिडियोहरु आपत्तिजनक र यौनसँग सम्बन्धित विषयवस्तुका रहेको बताइएको छ । गत सोमबार मात्रै यसबारे युट्युबले खुलासा गरेको हो । यसअन्तर्गतका ८० प्रतिशतभन्दा धेरै भिडियोहरु मेसिनद्वारा पहिचान गरिएको थियो । युट्युब अहिले आफ्नो नीतिबाहिरका विषयवस्तुहरु साइटबाट हटाउन मेसिनमाथि अत्यधिक निर्भर रहेको छ । 

हिंसालाई प्रश्रय दिने, अश्लीलजन्य भिडियोहरु हटाउनकै लागि कम्पनीले अहिले फुलटाइम विज्ञहरुलाई रोजगारी समेत दिएको छ । युट्युबका सीईओ सुसन वोजसिकीले यसअघि नै ठूलो संख्यामा कन्टेन्ट मोडरेटरहरुलाई रोजगारी दिने बताइसकेका छन् । २०१८ मा मात्रै युट्युबले १० हजारलाई यससँग सम्बन्धित तालिम दिने बताएको छ । 

पछिल्लो समय अश्लीलता, बालबालिकाले सर्च गर्दा अनावश्यक कन्टेन्ट (विषयवस्तु)का भिडियो समेत आएपछि युट्युबको आलोचना बढेको थियो भने विज्ञापनदाताले समेत विज्ञापन रोक्ने चेतावनी दिएका थिए । अहिलेसम्म युट्युबले सयौँ एकाउन्टहरु हटाउनका साथै एक लाख ५० हजार भिडियोहरु प्लेटफर्मबाट हटाउनुका साथै बालबालिकालक्षित अनावश्यक कमेन्टहरु कम्तीमा पनि ६ लाख २५ हजार भिडियोमा बन्द गरेको थियो । 

युट्युबका अनुसार हटाइएकामध्ये ६७ लाख भिडियो मेसिनबाट पहिचान गरेर ती भिडियोहरु कुनै एक जनाले मात्रै पनि हेर्नुपहिले नै हटाएको बताएको हो । 

सम्बन्धित समाचार

विदेशमा प्रियजन गुमाउने वेदनाको गीत ‘बोल माया’ युट्युब ट्रेडिङको नं १ मा

बागलुङ ।  विदेशमा प्रियजन गुमाउने नेपाली परिवारको वेदनामा आधारित लोकगीत ‘बोल माया’ अहिले चर्चामा छ ।  बागलुङका सर्जक प्रकाश सपूतले निर्माण गरेको उक्त गीत अहिले युट्युबमा सर्वाधिक हेरिएकोमध्ये नम्बर १मा छ । सार्वजनिक

च्याम्पियन्स लिगको फाइनल खेल युट्युबमा लाइभ हेर्न पाइने

काठमाडौँ । लिभरपुल र रियल म्याड्रिडबीचको च्याम्पियन्स लिगको फाइनल खेल युट्युबमा लाइभ हेर्न पाइने भएको छ । युक्रेनको किभमा मे २६ मा हुने च्याम्पियन्स लिगको फाइनल खेल युट्युबसहित अन्य अनलाइन प्लेटफर्म

युट्युबले तीन महिनामा ८३ लाख अश्लील भिडियो हटायो  

उत्तर अमेरिका । सन् २०१७ को पछिल्लो तीन महिनामा भिडियो साइट युट्युबले ८३ लाख भिडियोहरु आफ्नो साइटबाट हटाएको छ । साइटमा नचाहिँदा भिडियोहरु हटाउन तदारुकता नदेखाएको भन्दै आलोचना बढेपछि युट्युबले

फिल्म ‘पुरानो डुंगा’ युट्युबमा रिलिज, हेर्नुस् पुरा फिल्म

काठमाडौं । कबड्डी’ समूहको तेस्रो फिल्म ‘पुरानो डुंगा’युट्युबमा रिलिज गरिएको छ ।  रामबाबु गुरुङद्वारा निर्देशित ‘पुरानो पोखराको बेगनास तालवरपरका दुई भाइबीचको सम्बन्धलाई कथा बनाएको छ । दाइको भूमिकामा पोखरेली रंगकर्मी तथा

Loading...

Loading...