काठमाडौं । इङलिश प्रिमियर लिग अन्तर्गत एभर्टनले न्युक्यासल युनाइटेडलाई पराजित गरेको छ ।
गएराती भएको खेलमा एभर्टनले थियो वालकटको गोलमा न्युक्यासलमाथि जित हासिल गरेको हो ।
आफ्नो घरेलु मैदानमा खेलेको एभर्टनका लागि खेलको ५१औ मिनेटमा वालकटले खेलको एक मात्र गोल गर्दै जित दिलाएका थिए । वालकटले प्रिमियर लिगका पछिल्ला ९ खेलमा ५ गोल गरेका छन् भने ५ गोल असिस्ट गरेका छन् ।
जित पछि एभर्टनले लेस्टर सिटीलाई उछिन्दै लिगको अठौ स्थानमा उक्लिएको छ । एभर्टनको ३४ खेलमा ४५ अंक रहेको छ ।
न्युक्यासल युनाइटेड भने लिगको १०औ स्थानमा रहेको छ । न्युक्यासलको ३४ खेलमा ४१ अंक रहेको छ ।