काठमाडौँ । आर्सनलका म्यानेजर आर्सन वेंगरले क्लब छोड्ने घोषणा गरेपछिको पहिलो खेलमा आर्सनलले वेस्टह्याम युनाइटेडलाई पराजित गरेको छ ।
इङलिश प्रिमियर लिग अन्तर्गतको आइतबार भएको खेलमा आर्सनलले आफ्नो घरेलु मैदानमा वेस्टह्यामविरुद्ध ४-१ को सहज जित निकालेको छ ।
पहिलो हाफ बिना कुनै गोल बराबरीमा सकिएको खेलमा दोस्रो हाफमा कुल ५ गोल भएका थिए ।
आर्सनलको जितमा एलेक्सनड्रे लाकजेटले दुई गोल गरे भने एरोन रामसी र नाचो मोनरियलले एक एक गोल गरेका थिए । वेस्टह्यामका लागि एक गोल अर्नाउटोभिकले गरेका थिए ।
जितपछि आर्सनल ३४ खेलमा ५७ अंकसहित लिगको छैठौ स्थानमा रहेको छ भने वेस्टह्याम भने ३४ खेलमा ३५ अंकसहित लिगको १५औ स्थानमा रहेको छ ।