पथलैयादेखि आसिपी जोड्ने ६ लेनको व्यापारिक मार्ग निर्माणमा जितपुर बजार बाधक

खरीबोट
ad

वीरगञ्ज ।  पथलैयादेखि परवानीपुर हुँदै एकीकृत जाँच चौकी (आइसिपी) सम्म २७ किलोमिटर छ लेनको व्यापारिक मार्ग निर्माणमा जितपुर बजार बाधक बनेको छ । 

व्यापारिक मार्ग विस्तार आयोजना वीरगञ्ज पथलैया कार्यालयका अनुसार सो सडक निर्माणको क्रम अगाडि बढेपनि जितपुर बजारवासीले सडक क्षेत्रमा पर्ने घर टहरा तथा भौतिक संरचना भत्काउन मानेका छैनन् । 

बारम्बार सूचना जारी गरे पनि जितपुर सिमरा उपमहानगरपालिका– ७ जितपुर बजारका बासिन्दाले २५ मिटरभित्रको संरचना हटाउन अटेर गरेकाले सो व्यापारिक मार्ग निर्माणमा ढिलाइ भएको हो । 

स्थानीय प्रशासनको सहयोगमा वैशाख १० गतेभित्र डोजर लगाएर ती संरचना भत्काइने भएको छ । केन्द्रबिन्दुबाट दायाँबायाँ २५-२५ मिटर सडक विस्तार गर्दा जितपुर बजार क्षेत्रमा ठूला साना गरी २०९ वटा घर भत्काउनु पर्ने योजना प्रमुख रवीन्द्र लाल दास बताउछन् । 

पथलैया वीरगञ्ज औद्योगिक करिडोरदेखि आइसिपीसम्म सरकारले २०७३ असार २९ देखि निर्माण शुरु गरेको थियो । सो व्यापारिक मार्ग २०७५ पुस मसान्तसम्म निर्माण सम्पन्न गर्ने लक्ष्य लिए पनि जितपुर बजारवासीका कारण काम प्रभावित भएको दासले बताए । 

सरकारको रु तीन अर्ब ५३ करोडको लागतमा निर्माण भइरहेको सो व्यापारिक मार्गमा रु एक अर्बको लागतमा तीनवटा पुल निर्माण हुने इन्जिनियर अशोक यादवले बताए । पहिलो चरणमा छ लेन सडक त्रिभुवन राजपथमा पर्ने पर्साको लिपनीबिर्ताको परवानीपुरदेखि नयाँ बाइपास हुँदै अलौँस्थित आइसिपीमा जोडिएको छ । 

जितपुर सिमरा उपमहानगरपालिकाका प्रमुख डा कृष्ण पौडेलले सडक विस्तारको काम अगाडि बढाउन पहल गरिने बताए ।
 

सम्बन्धित समाचार

उपमहानगरले नीजि विद्यालयलाई दिएको जग्गामा बाटोको नाममा चलखेल

बारा । बारा जिल्ला स्थित जीतपुरसिमरा उपमहानगरपालिकाले सार्वजनिक जग्गा संरक्षणका लागि विज्ञप्ती नैं जारी गरेर जग्गा संरक्षणको अभियान सञ्चालन गरेको जनाएको छ । तर , त्यसको ठिक विपरीत उपमहानगरपालिकाको १५ नम्बर

बाराको फेटा गाउँपालिकाका लेखापाल घुस रकमसहित पक्राउ

काठमाडौँ । बारा जिल्लास्थित फेटा गाउँपालिकाको कार्यालयका लेखापाल सौरभकुमार साहलाई घुस रकमसहित नियन्त्रणमा लिइएको छ ।  एचआइभीसम्बन्धी जनचेतनामूलक कार्यक्रमका लागि खर्च भएको रकम भुक्तानी दिने प्रयोजनका लागि सेवाग्राहीसँग घुस रकम माग गरिरहेको

 ‘बारा सेज’ व्यवस्थापनमा चुनौती

बारा । बाराको विशेष आर्थिक क्षेत्र ‘सेज’ निर्माण क्षेत्रमा नीजि संरचना बन्ने क्रम नरोकिंदा यसले सेज व्यवस्थापनमा चुनौती थप्ने देखिएको छ ।  बाराको जीतपुरसिमरा उपमहानगरपालिकामा पर्ने ८ सय ३२ विगाहा क्षेत्रफल

छोरी जन्मे वार्षिक रु १० हजार भत्ता

कलैया । प्रसौनी गाउँपालिकाले छोरी जन्मेको ३५ दिनभित्र जन्म दर्ता गरी प्रमाणपत्र लिए गाउँपालिकाले रु १० हजारका दरले २० वर्षसम्म सन्ततिका नाममा बैंकमा रकम जम्मा गरिदिने निर्णय गरेको छ ।  गाउँपालिकाको आजको