सिरियामा नौ जना टर्कीस् सैनिक मारिए

खरीबोट

अङ्कारा ।  उत्तरपश्चिमी सिरियाको आफ्रिन प्रान्तमा नौ जना सैनिक मारिएका छन् भने अरु १३ जना घाइते भएका छन् । 

उक्त क्षेत्रमा सोमबार बिहान भएको एक झडपमा परी नौ जना टर्कीस् सैनिक मारिएका बताइएको छ । टर्कीको सैनिक स्रोतले बिहीबार सो जानकारी दिएको समाचारमा उल्लेख छ । 

सो क्षेत्रमा त्यहाँका स्थानीय विद्रोही र टर्कीस् सैनिकबीच भिडन्त भएको थियो । यस झडपको विस्तृत समाचार प्राप्त भएको छैन । 

टर्कीको सेनाले प्रकाशन गरेको विज्ञप्तिअनुसार टर्कीस् सेनाको ‘ओपसन ओलिभ ब्रान्च’ले सिरियाको आफ्रिनमा सुरु गरेको कारबाहीको क्रममा ज्यान गुमाउने सैनिकको संख्या ५० पुगेको बताइएको छ । 

सो क्षेत्रमा केही दिनयतादेखि टर्कीको सेनाले हवाई कारबाही पनि गर्ने गरेको समाचारमा जनाइएको छ । सिरियमा गत शनिबार अमेरिकी नेतृत्वमा फ्रान्स र बेलायती सेनाले पनि आक्रमण गरेको थियो । 

तर सो आक्रमण कतै लक्षित नभई सिरियाली सैनिकले भण्डारण गरेको भनिएको रासायनिक हतियारको भण्डारणस्थलमा केन्द्रित भएको अमेरिकी अधिकारीले जनाएका छन् । 

सम्बन्धित समाचार

शंकास्पद रूसी हवाई आक्रमणबाट सिरियामा मृत्यु हुनेको सङ्ख्या ४४ पुग्यो

बेरुत । विद्रोहीको नियन्त्रणमा रहेको सिरियाको उत्तरपश्चिमी क्षेत्रमा भएको हवाई आक्रमणमा परी जनाको मृत्यु हुनेको सङ्ख्या ४४ पुगेकोे छ । आक्रमणमा कैयौँ नागरिक सख्त घाइते भएको बताउँदै मृतक सङ्ख्यामा केही वृद्धि

युद्धको चपेटामा सिरियाली बालबालिका र महिला : लुटियो खुसी, धमिलियो भविष्य !

गत मे २९ मा उत्तरी सिरियाको अल बाबमा रहेको स्क्वालिड क्याम्पमा सानो नानी बोक्दै एक महिला । आफ्नै देशमा विस्थापित हुनुपरेपछि उक्त टर्की नियन्त्रित क्षेत्रको जनसंख्या केही हप्तामै दोब्बर हुनपुगेको छ

रुसी हेलिकोप्टर सिरियामा दुर्घटना, दुई चालकको मृत्यु

मस्को ।  रुसको एक हेलिकोप्टर सिरियामा दुर्घटनाग्रस्त भएको समाचार छ । सोमबार साँझ भएको सो दुर्घटनामा परी उक्त हेलिकोप्टरका दुई जना चालकको ज्यान गएको बताइएको छ ।  रुसी रक्षा मन्त्रालयले विज्ञप्ति प्रकाशन गरी

सिरिया :  अ डेष्ट्रोयड नेसन !

केही दिनअघि सरकारी सेनाले गरेको भनिएको केमिकल आक्रमण भएको डाउमा सहरमा भग्नावशेषमा परिवर्तन भएको भवननजिकै उभिएका मानिसहरु । यो सहर राजधानी दमास्कस नजिकै पर्छ । सिरियाली सेनाले डाउमा सहर आफ्नो