भालेन्सियाविरुद्ध बार्सिलोनाको सहज जित, ३९ खेलमा अपराजित हुदै राख्यो नयाँ रेकर्ड 

खरीबोट

काठमाडौं । स्पेनिस ला लिगा अन्तर्गत बार्सिलोनाले भालेन्सियाविरुद्ध २-१ को जित निकालेको छ । 

शनिबार भएको खेलमा बार्सिलोनाले लुइस स्वरेज र स्यामुल उमटिटिको गोलमा जित हासिल गरेको हो ।भालेन्सियाका लागि डानी परेजोले गोल गरेका थिए । लुइस स्वरेजले यस खेलमा गोल गर्दै भालेन्सियाविरुद्ध १० गोल गरेका छन् ।

खेलको १५औ मिनेटमा लुइस स्वरेजले गोल गर्दै बार्सिलोनालाई सुरुवाती अग्रता दिलाएका थिए भने उमटिटिले खेलको ५१औ मिनेटमा गोल गरेका थिए । बार्सिलोनाका दुवै गोल फिलिप कोनटिन्होले असिस्ट गरेका थिए । 

जित पछि बार्सिलोनाको ३२ खेलमा ८२ अंक भएको छ । बार्सिलोनाले यो जितसँगै दोस्रो स्थानमा रहेको एथलेटिको म्याड्रिडसँग १४ अंकको अग्रता हासिल गरेको छ । भालेन्सिया भने ३२ खेलमा ६५ अंकसहित लिगको तेस्रो स्थानमा रहेको छ ।   

बार्सिलोनाले ला लिगामा ३९ खेलमा अपराजित भएको नयाँ रेकर्ड पनि राखेको छ । यस अघि रियल सोसिडाडको ३८ खेलमा अपराजित रहेको रेकर्डलाई तोडेको छ । रियल सोसिडाडले सन १९७८ देखि १९८० को बीचमा ला लिगाका ३८ खेलमा अपराजित हुदै यो रेकर्ड राखेको थियो । रियल सोसिडाडको लगभग ४० बर्षदेखिको यो रेकर्ड बार्सिलोनाले तोडेको छ ।
 

सम्बन्धित समाचार

स्पेनभन्दा कम कर तिर्नुपर्ने कारणले रोनाल्डो इटाली गए - ला लिगा प्रमुख

काठमाडौँ । पोर्चुगलका स्टार फुटबलर क्रिस्टियानो रोनाल्डोले रियल म्याड्रिड छोडेर इटाली जानुमा धेरै आश्चर्यमा परेका छन् । रोनाल्डो इटाली जानुको प्रमुख कारण स्पेनको करको नियम रहेको ला लिगाका प्रमुख जाभियर टेबासले

रियल म्याड्रिडले भन्यो – ‘नेइमारलाई ल्याउने कुनै योजना छैन’

काठमाडौँ । स्पेनिस क्लब रियल म्याड्रिडले पिएसजीबाट खेल्ने ब्राजिलका फुटबल स्टार नेइमारलाई क्लबमा भित्राउने आफ्नो योजना नभएको बताएको छ । नेइमार रियल म्याड्रिड जाने लगातार समाचारहरु प्रकाशित भएपछि रियलले एक विज्ञप्ति

मेसीले जिते पाँचौ पटक युरोपियन गोल्डेन सुज  

काठमाडौँ । बार्सिलोनाका अर्जेन्टिनी स्टार लियोनेल मेसीले यस सिजनको युरोपियन गोल्डेन सुज जितेका छन् ।  युरोपका लिगहरु मध्ये यस सिजनमा धेरै ३४ गोल गरेका मेसीले शिर्ष स्थानमा रहदै युरोपियन गोल्डेन सुज

बार्सिलोना ला लिगाको अन्तिम खेलमा विजयी, कोन्टिन्होले गरे निर्णायक गोल 

काठमाडौँ । बार्सिलोनाले आफ्नो ला लिगाको अन्तिम खेल जितेर ला लिगाको अन्त्य गरेको छ ।  यस अघि नै ला लिगाको उपाधि जितेको बार्सिलोनाले गएराती भएको खेलमा रियल सोसियडाडलाई १-० गोल अन्तरले