काठमाडौं । ग्लोबल आईएमई बैंकले बुधबार कालीकोट र कास्कीमा दुई वटा नयाँ शाखा स्थापना गरेको छ । बैंकले बुधबार दुई स्थानमा शाखा कार्यालयहरु सञ्चालनमा ल्याएको हो ।
बैंकले कालीकोट जिल्लाको रास्कोट नगरपालिका वडा नंं. ५, स्यूना र कास्की जिल्लाको पोखरा लेखनाथ महानगरपालिका वडा नंं. १०, उत्तमचोकमा नयाँ शाखा कार्यालयहरु सञ्चालनमा ल्याएको हो । थप दुई स्थानमा शाखा कार्यालय सञ्चालनमा ल्याएसँगै बैंकको शाखा कार्यालयहरुको संख्या १ सय २२ पुगेको छ ।
यस्तै बैंकको १ सय २८ वटा एटिएम, ४ वटा एक्सटेन्सन काउण्टर, १४ वटा राजस्व संकलन काउण्टर र ७९ वटा शाखारहित बैंकिङ्ग सेवा सञ्चालनमा छन् भने भाइबर बैंकिङ्ग सेवा, मोबाइल बैंकिङ सेवा, इन्टरनेट बैंकिङ सेवाको साथमा अष्टे«लिया, बेलायत र भारतमा प्रतिनिधि÷सम्पर्क कार्यालय स्थापना गरेर ति देशमा रहेका नेपालीहरुलाई सेवा प्रदान गर्दै आइरहेको छ ।
त्यसैगरी बैंकले मलेसिया, दक्षिण कोरिया, कतार, युएई, बहराइन लगायतका मुलुकबाट रेमिट्यान्स सेवा समेत प्रदान गर्दै आइरहेको छ ।