नौ संस्थाको बोनस तथा हकप्रद सूचीकरण (कसको कति सेयर सूचीकृत ? नामसहित)

काठमाडौं । साताको अन्तिम कारोबार दिन आज बिहीबार आधा दर्जनभन्दा बढी बैंक तथा फाइनान्स कम्पनीहरुको बोनस तथा हकप्रद सेयर सूचीकरण भएको छ । नेप्सेका अनुसार नियमित कारोबारका लागि आज लघुवित्त, बीमा, वाणिज्य बैंक र जलविद्युुत् समेत गरी नौ कम्पनीहरुको बोनस तथा हकप्रद सेयर सूचीकरण भएको हो । 

आज नागबेली लघुवित्त वित्तीय संस्थाको दुुई लाख ४० हजार ४६ कित्ता र सिभिल लघुवित्त वित्तीय संस्थाको ४७ हजार दुुई सय ५० कित्ता बोनस सेयर सूचीकृत भएको छ । यसैगरी लुुम्बिनी जनरल इन्स्योरेन्स कम्पनीको १० लाख कित्ता बोनस सेयर सूचीकृत भएको छ भने प्रुुडेन्सीयल इन्स्योरेन्स कम्पनीको पनि १२ लाख ८३ हजार ४० कित्ता हकप्रद सेयर सूचीकृत भएको छ ।

यीबाहेक जानकी फाइनान्सको छ लाख १५ हजार तीन सय ४६ कित्ता बोनस, अपी पावर कम्पनीको आठ लाख ४० हजार कित्ता बोनस सेयर र सनराइज बैंकको पनि एक करोड छ लाख ३३ हजार सात सय ६८ कित्ता बोनस सोयर सूचीकृत भएको छ ।

आज प्राइम कमर्सियल बैंकको पनि एक करोड ७० लाख ७८ हजार छ सय ६६ कित्ता बोनस सेयर सूचीकरण भएको छ भने तिनाउ विकास बैंकको चार लाख ६० हजार आठ सय ४९ कित्ता बोनस सेयर सूचीकृत भएको छ ।