च्याम्पियन्स लिगको सेमिफाइनलको समीकरण पुरा, यसरी हुदै छ ड्र

खरीबोट

काठमाडौँ । यस सिजनको च्याम्पियन्स लिगको सेमिफाइनलको समीकरण पुरा भएको छ । 

सेमिफाइनलमा डिफेन्डिङ च्याम्पियन रियल म्याड्रिड, बायर्न म्युनिख, एस रोमा र लिभरपुल पुगेका छन् । 

बार्सिलोनाको च्याम्पियन्स लिग एक्जिट धेरैका लागि अपत्यारिलो बन्यो भने प्रिमियर लिगको उपाधि जित्न तयार रहेको म्यानचेस्टर सिटीको लिभरपुलसँगको हारलाई पनि धेरैले अपत्यारिलो रुपमा लिएका छन् ।

गएराती रियल म्याड्रिडले युभेन्टसविरुद्ध समग्रमा ४-३ गोल अन्तरले नतिजा आफ्नो पक्षमा पार्दै सेमिफाइनलको यात्रा तय गर्यो भने बायर्न म्युनिखले सेभिल्लासँग समग्रमा २-१ को नतिजा निकाल्दै सेमिफाइनलमा पुग्यो ।

यस अघि बुधबार राति रोमाले बार्सिलोनाको पहिलो लिगको अग्रता उल्टाउदै समग्रमा ४-४ को नतिजा बनाउदा अवे गोलको आधारमा सेमिफाइनलको यात्रा तय गर्यो । त्यस्तै बुधबारनै लिभरपुलले सिटीलाई २-१ ले पराजित गर्दै समग्रमा ५-१ को नतिजासहित समिफाइनलको यात्रा तय गरेको छ ।

अब सेमिफाइनलको ड्र शुक्रबार नेपाली समय अनुसार साढे ५ बजे हुने छ ।

यो ड्र ओपन ड्र हुने र जुन सुकै टिम जो सुकैसँग पर्न सक्ने युईएफएले जनाएको छ । साथै ड्र गर्दा पहिलो नाम आउने टिमले सेमिफाइनलको पहिलो लिग आफ्नो घरेलु मैदानमा खेल्ने पनि युईएफएले जनाएको छ । 

सेमिफाइनल खेलको पहिलो लिग अप्रिल २४ र २५ मा हुने छ भने दोस्रो लिग मे १ र २ मा हुने छ । प्रतियोगिताको फाइनल मे २६ मा युक्रेनमा हुने छ ।          
 

सम्बन्धित समाचार

च्याम्पियन्स लिगको सेमिफाइनलको ड्र सार्वजनिक, रियलविरुद्ध बायर्न, रोमाविरूद्ध लिभरपुल खेल्ने 

काठमाडौँ । यस सिजनको च्याम्पियन्स लिगको सेमिफाइनलको ड्र भएको छ ।  शुक्रबार भएको ड्र अनुसार सेमिफाइनलमा डिफेन्डिङ च्याम्पियन रियल म्याड्रिड जर्मनी क्लब बायर्न म्युनिखसँग खेल्ने भएको छ । त्यस्तै  इटालियन क्लब

च्याम्पियन्स लिगमा रोनाल्डोले मेसीको यस्तो रेकर्ड तोडे

काठमाडौं ।  क्रिस्टियानो रोनाल्डोले च्याम्पियन्स लिगमा लियोनेल मेसीको एउटा रेकर्ड तोडेका छन् ।  विहिबार राति युभेन्टसलाई खेलको अन्तिम मीनेटमा पेनाल्टीबाट गोल गर्दै रियललाई सेमिफाइनलमा पुर्याएका रोनाल्डोले मेसीको च्याम्पियन्स लिगमा कुनै एक

च्याम्पियन्स लिगको सेमिफाइनलको समीकरण पुरा, यसरी हुदै छ ड्र

काठमाडौँ । यस सिजनको च्याम्पियन्स लिगको सेमिफाइनलको समीकरण पुरा भएको छ ।  सेमिफाइनलमा डिफेन्डिङ च्याम्पियन रियल म्याड्रिड, बायर्न म्युनिख, एस रोमा र लिभरपुल पुगेका छन् ।  बार्सिलोनाको च्याम्पियन्स लिग एक्जिट धेरैका लागि

बार्यन म्युनिख च्याम्पियन्स लिगको सेमिफाइनलमा

काठमाडौँ । जर्मनी क्लब बार्यन म्युनिख च्याम्पियन्स लिग फुटबलको सेमिफाइनल पुगेको छ ।  गएराती घरेलु मैदानमा भएको क्वाटरफाइनलको दोश्रो लिगमा सेभिल्लासँग गोलरहित बराबरीमा रोकिए पनि पहिलो लिगको २-१ को अग्रताका आधारमा