- २०८१ बैशाख ८ शनिबार
काठमाडौँ । म्यानचेस्टर सिटी च्याम्पियन्स लिगबाट बाहिरिएको छ ।
गएराती घरेलु मैदानमा लिभरपुलसँग २-१ गोल अन्तरले पराजित भएपछि समग्रमा ५-१ गोल अन्तरले पराजित हुदै च्याम्पियन्स लिगबाट बाहिरिएको छ भने लिभरपुल प्रतियोगिताको सेमिफाइनलमा पगेको छ ।
लिभरपुलको जितमा मोहमद सलाह र रोबर्ट फिर्मिनोले गोल गरेका थिए भने सिटीका लागि एक गोल गर्बियल जिससले गरेका थिए ।
खेलको दोस्रो मिनेटमा नै जिससको गोलबाट अग्रता लिएको सिटीले पहिलो हाफसम्म अग्रता कायम गरेपनि खेलको दोस्रो हाफमा लिभरपुलले २ गोल गरेको थियो । खेलको ५६औ मिनेटमा सलाहले गोल गर्दै लिभरपूललाई १-१ को बराबरीमा ल्याएका थिए भने खेलको ७७औ मिनेटमा गोल गर्दै लिभरपूललाई २-१ को जित दिलाएका थिए ।
जितसँगै लिभरपुल १०औ पटक च्याम्पियन्स लिगको सेमिफाइनलमा पुगेको छ । लिभरपूल इङलिश क्लबमा म्यानचेस्टर युनाइटेड पछि धेरै पटक सेमिफाइनलमा पुग्ने प्रिमियर लिग क्लब बनेको छ । युनाइटेड १२औ पटक सेमिफाइनलमा पुगेको छ ।
साथै लिभरपुलले सिटीलाई एकै सिजनमा तीन पटक पराजित गरेको छ ।
त्यस्तै लिभरपुलले च्याम्पियन्स लिगको यस सिजनमा कुल ३३ गोल गरेको छ, जुन कुनै पनि प्रिमियर लिग क्लबले एक सिजनमा गरेको धेरै गोल हो ।
