- २०८१ बैशाख ८ शनिबार
बलिउड । अभिनेता टाइगर श्राफको फिल्म बागी २ ले रिलिजको पहिलो दिनमै रेकर्ड बनाएको छ ।
फिल्म विश्लेषक तरण आदर्शका अनुसार फिल्मले रिलिजको पहिलो दिन यस बर्षको सबैभन्दा बढी व्यापार गरेको छ । रिलिजको पहिलो दिन भारतीय बक्स अफिसमा बागी २ ले २५.१० करोडको व्यापार गरेको छ ।
भारतीय बक्स अफिसमा पद्मावतले पहिलो दिन १९ करोड व्यापार गरेको थियो । त्यस्तै अक्षयकुमारको फिल्म प्याडम्यानले रिलिजको पहिलो दिन १०.२६ करोड र अजय देवगनको फिल्म रेडले रिलिजो पहिलो दिन १० करोडको व्यापार गरेको थियो ।
फिल्ममा टाइगरको दमदार एक्सन एक्सन दर्शकहरुले अतिनै मन पराएका छन् ।
फिल्म बागी २ को ट्रेलरले रिलिजको २४ घण्टामै ६० मिलियनले हेरेका थिए भने अहिले फिल्म हेर्न पनि दर्शक हलमा पुगेका छन् ।
बागी २ चलचित्र बागीको अर्को श्रृङ्खला हो । फिल्ममा टाइगरसँगै उनकी प्रेमिका दिशा पटानी, रणदीप हुडा, मनोज बाजपेई र प्रतीक बब्बरले अभिनय गरेका छन् । फिल्मलाई अहमद खानले निर्देशन गरेका हुन् ।
