वीरगञ्ज । कारले ठक्कर दिँदा सोमबार पर्सा राष्ट्रिय निकुञ्जमा रहेको एक चितुवा मरेको छ ।
राति करीब ८ बजेतिर हेटौडाबाट वीरगञ्जतर्फ आइरहेको बा१७च ५९४ नंको कारले आधाभार नजिकै चितुवालाई ठक्कर दिएको निकुञ्जका प्रमुख संरक्षण अधिकृत हरिभक्त आचार्यले बताए ।
जीवजन्तु प्रजातिमा चितुवा महत्वपूर्ण रहेको छ । पथलैयाबाट अमलेखगञ्जसम्म निकुञ्जको बीच बाटो भएर राजमार्ग गएकाले जनावरको ओहोरदोहोर हुने हुँदा चुनौती थपिँदै गएको छ ।