- २०८१ बैशाख ८ शनिबार
काठमाडौँ । त्रिभुवन विमानस्थलमा अवतरणका क्रममा दुर्घटनाग्रस्त युएस बङ्ला विमानका घाइतेहरु मध्ये दुईजना सफल उपचारपछि अस्पतालबाट डिस्चार्ज भएका छन् ।
डिस्चार्ज हुनेहरुमा काठमाडौं कपनका दयाराम ताम्रकार र भक्तपुर बालकोटका किशोर त्रिपाठी रहेका छन् ।
ग्राण्डी अन्तर्राष्ट्रिय अस्पतालका मेडिकल डाइरेक्टर तथा बरिष्ठ अर्थोपेडिक सर्जन डा चक्रराज पाण्डेले उपचारपछि डिसचार्ज भइ घर फर्कन लागेका दुबैजनालाई खादा लगाएर र बुके दिएर सिघ्र स्वास्थ्यलाभको कामना गरे ।
उपचारकालागि ग्राण्डी अन्तर्राष्ट्रिय अस्पतालमा भर्ना भएकाहरुमध्ये बनस्थली हरि प्रसाद सुबेदीको र किर्तिपुरका बिनोद राज पौडेलको भने उपचार जारी छ ।
गत सोमबार युएस बंगला एयरलाइन्सको विमान काठमाडौंको त्रिभुवन अन्तराष्ट्रिय विमानस्थलमा अवतरण गर्ने क्रममा दुर्घटना हुँदा ४९ जनाको मृत्यु २२ जना घाइतेभएका थिए ।
घाइतेमध्ये कपनका दयाराम ताम्रकार, बालकोटका किशोर त्रिपाठी र किर्तिपुरका बिनोद राज पौडेललाई ग्राण्डी अस्पतालको इएमएस टिमले बिमानस्थलबाट तथा बिभिन्न असपतालबाट थप उपचारकालागि ग्राण्डी अस्पताल ल्याएको थियो ।
