- २०८१ बैशाख १४ शुक्रबार
काठमाडौँ । पिएनजीविरुद्धको खेलमा नेपाललाई जिताउन अलराउन्ड प्रदर्शन गरेका दिपेन्द्र सिंह ऐरी खेलको म्यान अफ द म्याच बनेका छन् ।
केबल १३ रन मा ३ विकेट गुमाएको अवस्थामा मैदानमा गएका ऐरीले लक्ष्य पुरा मात्र गरेनन् आफ्नो महत्वपूर्ण अर्धशतक पनि पुरा गरेका छन् । ऐरीले ५८ बल खेल्दै ३ छक्का र एक चौकाको मद्धतले ५० रन बनाएका थिए । उनले छक्का हानेर नेपाललाई जित दिलाएका थिए भने आफ्नो अर्धशतक पनि पुरा गरेका थिए ।
यसअघि दिपेन्द्र र सन्दीपको जोडीले पिएनजी ब्याटिंग अडरलाई ध्वस्त बनाएको थियो । दुवैले ४-४ विकेट लिएका थिए । दिपेन्द्रले ४.४ ओभर बलिङ गर्दै १४ रन दिएर ४ विकेट लिएका थिए ।
दिपेन्द्रले पिएनजीका चार्लिज अमिनी, जोन रिभ, नोरमन भनुआ र जसन किलालाई आउट गरेका थिए ।
नेपालले नजिती नहुने निर्णायक खेलमा दिपेन्द्रले उत्कृष्ट प्रदर्शन गरेका छन् ।
