- २०८१ बैशाख ७ शुक्रबार
बलिवुड अभिनेत्री श्रद्धा कपुरले बहुबली स्टार प्रभाससँग फिल्म ‘साहो’ मा काम गर्ने भएपछि आफ्नो फिसमा व्यापक बढोत्तरी गरेको बलिवुडमा चर्चा चलेको छ ।
भारतीय मिडिया रिपोर्टसहरुलाई आधार मान्ने हो भने यसअघि अनुष्का सेठ्ठीले गर्ने भनेको साहोको भूमिकाका लागि श्रद्धा कपुरलाई फिल्मका निर्माताले ९ करोड रुपैयामा साइन गरेका छन् ।
तीन भाषामा बन्ने यो फिल्मका लागि श्रद्धाले सुरुमा १२ करोड डिमाण्ड गरेको भएपनि निर्माताले ९ करोडमा मनाएको रिपोर्टस बाहिरिएको छ । श्रद्धाले यसअघि प्रति फिल्म ३ करोड रुपैया लिने बताइएको छ ।
करिब १५० करोड रुपैयाँमा निर्माण हुन् लागेको साहोका लागि बाहुबली स्टार प्रभासले भने श्रद्धाले भन्दा तीन गुणा बढी ३० करोड रुपिया लिएको बलिवुडमा चर्चा छ । प्रभासले बाहुबलीका लागि २५ करोड भारतीय रुपैयाँ लिएका थिए ।
हिन्दी, तामिल र तलेगु गरी तीन भाषामा बन्ने यस फिल्मको सुटिंग भने सुरु भैसकेको छ । फिल्मको सुटिंग भारतको हैदरावादमा र भारत बाहिर आबुधावी र रोमानियामा हुने बताइएको छ ।
