- २०८१ बैशाख ४ मंगलबार
काठमाण्डौ । लियोनेल मेसीले गएराती भएको गिरोनाविरुद्धको खेलमा दुइ नयाँ रेकर्ड बनाएका छन् ।
६-१ गोल अन्तरले जितेको खेलमा मेसीले ला लिगामा सर्वाधिक असिस्ट र ला लिग मा सर्वाधिक टिमविरुद्ध गोल गर्ने नयाँ रेकर्ड बनाएका हुन् ।
गिरोनाले सरप्राइज गर्दै खेलको तेस्रो मिनेटमा लिएको अग्रताको दोस्रो मिनेटपछि नै मेसीको असिस्टमा लुइस स्वरेजले गोल गर्दै खेल बराबरी गरेका थिए । मेसीले १४८ गोल असिस्ट गर्दै स्पेनमा अल टाइम रेकर्ड बनाएका छन् ।
त्यस्तै मेसीले खेलको ३०औ र ३६औ मिनेटमा गोल गर्दै ला लिगामा ३६औ टिमविरुद्ध गोल गरेका छन् । ला लिगामा ३६ टिमविरुद्ध गोल गर्ने मेसि पहिलो खेलाडी बनेका छन् । ला लिग मा राहुल गोन्जालेज र अरीत्ज एडुरिजले ३५ टिमविरुद्ध गोल गरेका थिए ।
