- २०८१ बैशाख ६ बिहीबार
काठमाडौँ । प्रदेश २ का मुख्यमन्त्री मोहम्मद लालबाबु राउतलाई एमाले, माओवादी केन्द्रसहित ८७ सांसदको समर्थन प्राप्त भएको छ ।
मुख्यमन्त्री राउतले प्रदेश सभामा राखेको बिश्वाशको प्रस्तावमा काङ्ग्रेस बाहेक सबै दलले समर्थन गरेको हुन् ।
बैठकलाई सम्बोधन गर्दै मुख्यमन्त्री राउतले प्रदेशको उन्नतीका लागि एक हुनुपर्ने भन्दै दलहरुसँग विश्वासको मत मागेका थिए । लालबाबु राउत फोरम र राजपा गठबन्धनबाट मुख्यमन्त्री बनेका थिए ।
संविधानको धारा १६८ को उपधारा ४ मा प्रदेश मुख्यमन्त्रीले नियुक्त भएको ३० दिनभित्र प्रदेशसभाबाट विश्वासको मत लिनुपर्ने प्रावधान अनुसार राउतले आज विश्वासको मत लिएका हुन् ।
प्रदेश २ मा फोरम २९, राजपा २५, एमाले २१, कांग्रेस १९, माओवादी ११, नेपाल संघीय समाजवादी पार्टी १, स्वतन्त्र १ गरी १०७ सांसद रहेका छन् ।
