‘अपाङ्गतामैत्री सञ्चार निर्देशिका–२०७४’ कार्यान्वयनमा

खरीबोट

फाइल तस्विर

ad

काठमाडौँ । अपाङ्गता भएका व्यक्तिको गरिमा र मर्यादामा चोट वा अवहेलना नहुनेगरी समाचार सम्प्रेषण गर्नुपर्नेलगायत व्यवस्था भएको ‘अपाङ्गतामैत्री सञ्चार निर्देशिका–२०७४’ कार्यान्वयनमा आएको छ । 

प्रेस काउन्सिल नेपालले पत्रकार आचारसंहिता २०७३ को दफा १२ बमोजिम जारी सो निर्देशिकामा अपाङ्गतासम्बन्धी प्रयोग गर्न हुने र नहुने शब्दावली, उखान टुक्कासमेत समावेश गरिएको छ । 

नेपाल अपाङ्ग महिला संघले सो निर्देशिकाका सम्बन्धमा यहाँ आज आयोजना गरेको छलफल कार्यक्रममा काउन्सिलले सो निर्देशिका कार्यान्वयनमा अनुगमन र अगुवाइको भूमिका निर्वाह गर्नुपर्नेमा जोड दिइयो । 

नेपाल राष्ट्रिय अपाङ्ग महासंघका वरिष्ठ उपाध्यक्ष टीका दाहालले आफूहरुकै परामर्शमा सो निर्देशिका ल्याइएकाले पत्रकार र सञ्चारमाध्यमले संवेदनशीलता अपनाउनुपर्ने बताए । 

सञ्चारिका समूहका अध्यक्ष निर्मला शर्माले पत्रकार आचारसंहिताको मूल अंगमै निर्देशिकाका विषयवस्तु समावेश गर्नुपर्ने विचार व्यक्त गरे । 

काउन्सिलका सह प्रशासकीय अधिकृत दीपक खनाल, नेपाल अपाङ्ग मानव अधिकार केन्द्रका महासचिव जगदीप्रसाद अधिकारी, संघका अध्यक्ष निर्मला धिताल लगायतले निर्देशिकाको कार्यान्वयनमा आमसञ्चार र सामाजिक क्षेत्रबाट सहयोग हुनुपर्ने बताए ।

सम्बन्धित समाचार

अपाङ्गतामैत्री आवास निर्माण गर्न माग

काठमाडौँ । अपाङ्गता भएका व्यक्तिले सरकारलाई अपाङ्गतामैत्री आवास निर्माणका लागि सरकारसंग माग गरेका छन् ।  काठमाडौँमा भाडामा कोठा पाउन कठिन हुन थालेपछि उनीहरुले स्वालम्बन जीवनपद्धति केन्द्रमार्फत आज प्रधानमन्त्रीलाई सम्बोधन गरी विभिन्न

नुवाकोटमा बन्यो अपाङ्गतामैत्री पुस्तकालय

त्रिशूली (नुवाकोट) । भूकम्पले भत्काएपछि टहरामा सञ्चालन हुँदै आएको पुस्तकालयको सुविधासम्पन्न भवन निर्माण सम्पन्न भएको छ ।  बेलकोटगढी नपा–२ फाटापौवा कुमरीस्थित जनजागरण सामुदायिक पुस्तकालय स्रोत केन्द्र रु एक करोड ७५ लाखमा बनेको हो

साझाको अपाङ्गतामैत्री बस ‘अस्पतालदेखि अस्पतालसम्म’

ललितपुर । लगनखेलस्थित पाटन अस्पतालबाट थापाथलीस्थित प्रसूति गृह, वीर अस्पताल, कान्ति अस्पताल, शिक्षण अस्पताल हुँदै गंगालाल अस्पतालसम्म आपाङ्मैत्री बस गुड्ने भएको छ ।  उक्त होचो बसमा अपाङ्गता भएका व्यक्तिलाई चढ्न र

‘अपाङ्गतामैत्री सञ्चार निर्देशिका–२०७४’ कार्यान्वयनमा

काठमाडौँ । अपाङ्गता भएका व्यक्तिको गरिमा र मर्यादामा चोट वा अवहेलना नहुनेगरी समाचार सम्प्रेषण गर्नुपर्नेलगायत व्यवस्था भएको ‘अपाङ्गतामैत्री सञ्चार निर्देशिका–२०७४’ कार्यान्वयनमा आएको छ ।  प्रेस काउन्सिल नेपालले पत्रकार आचारसंहिता २०७३ को दफा