प्रदेश नं ७ को मुख्यमन्त्रीका लागि सांसद भट्टको दाबी

खरीबोट
ad

धनगढी । प्रदेश नं ७ को मुख्यमन्त्रीका लागि नेकपा माओवादी केन्द्रका संसदीय दलका नेता त्रिलोचन भट्टले प्रदेश प्रमुखसमक्ष बुधबार आफ्नो दाबी पेश गरेका छन् । 

माओवादी केन्द्र र नेकपा एमालेका ३७ जना प्रदेश सांसदले मुख्यमन्त्रीमा भट्टलाई समर्थन रहेको भन्दै हस्ताक्षर सहितको समर्थन पत्र प्रदेश प्रमुख मोहनराज मल्लसमक्ष पेश गरेको प्रदेश प्रमुख कार्यालयका निमित्त सचिव हीरालाल चौधरीले जानकारी दिए । अडचालीस वर्षीय भट्ट डोटी जिल्लाबाट प्रदेशसभामा प्रत्यक्ष निर्वाचित सांसद छन् । 

प्रदेश प्रमुखसमक्ष दाबी पेश गर्न प्रदेश कार्यालयमा पुगेको सांसदको टोलीमा यसअघि माओवादी केन्द्रभित्रका मुख्यमन्त्री बन्ने चर्चामा रहेका प्रदेश सांसद वीरभान चौधरी र झपट बोहरा पनि सम्मिलित थिए । यो सँगै प्रदेश नं ७ को मुख्यमन्त्री नियुक्तिको बाटो खुलेको छ । प्रदेश प्रमुख कार्यालयले यही फागुन ५ गते मुख्यमन्त्री नियुक्त गरी शपथग्रहणसमेत गराउने तयारी गरेको छ । 

यसअघि आजै प्रदेश प्रमुख मल्लले बहुमत सांसदको समर्थन जुटाउन सक्ने प्रदेशसभाका सांसदलाई मुख्यमन्त्रीको नियुक्तिका लागि यही फागुन ४ गते दिउँसो ११ बजेभित्र दाबी पेश गर्न आह्वान गर्नुभएको थियो ।

प्रदेश नं ७ को मुख्यमन्त्री माओवादी केन्द्रले पाउने र सभामुख एमालेले पाउने सहमतिबमोजिम सभामुखमा एमाले बझाङबाट निर्वाचित सांसद अर्जुनबहादुर थापा निर्वाचित भइसकेका छन् । 

प्रदेशसभाको उपसभामुखमा भने माओवादी केन्द्रका सांसद देवकी मल्ल र कुन्ती जोशीको नाम चर्चामा छ । यही फागुन ६ गते बस्ने प्रदेशसभाको बैठकले उपसभामुख चयन गर्ने कार्यतालिका छ । प्रदेश नं ७ मा एमाले २५, माओवादी केन्द्र १४, नेपाली काँग्रेस १२ र राष्ट्रिय जनता पार्टीका दुई सांसद छन् । 

सम्बन्धित समाचार

प्रदेश विनियोजन विधेयक, २०७५ स्वीकृति

धनगढी । प्रदेश नं ७ मन्त्रिपरिषद्कोे आज बसेको बैठकले प्रदेश विनियोजन विधेयक, २०७५ लाई स्वीकृति प्रदान गरेको छ ।  मुख्यमन्त्री तथा मन्त्रिपरिषद्को कार्यालय धनगढीमा बसेको बैठकले प्रदेश आर्थिक विधेयक, २०७५ तर्जुमा

प्रदेश नं ७ लाई देशकै नमूना बनाउँछौं : सभामुख थापा

बझाङ । भेटघाटका लागि गृहजिल्ला बझाङ पुगेका प्रदेश नं ७ का सभामुख अर्जुनबहादुर थापाले आफ्नो प्रदेशलाई देशकै नमूना बनाउने बताएका छन् ।  नेपाल पत्रकार महासंघ बझाङ शाखाले गरेको स्वागत तथा सम्मान

प्रदेश नं ७ : स्थानीय तह सेवा सुविधा सम्बन्धी विधेक स्वीकृत

धनगढी । प्रदेश नं ७ को मन्त्रिपरिषद्को आज बसेको बैठकले प्रदेश सभाका पदाधिकारी र सदस्यहरुको सेवासुविधासम्बन्धी विधेयकको मस्यौदालाई सहमति दिएको छ । मुख्य मन्त्री तथा मन्त्रिपरिषद्को कार्यालय धनगढीमा बसेको बैठकले स्थानीय

प्रदेश नं ७ मा ३१ हजार नागरिक स्वास्थ्य बीमामा आवद्ध

बैतडी । गरीब तथा विपन्न नागरिकको स्वास्थ्य सेवामा सहज पहुँच पुर्याउन सरकारले शुरु गरेको स्वास्थ्य बीमा यहाँ प्रभावकारी बन्न थालेको छ । अहिलेसम्म बैतडीसहित प्रदेश नं ७ सुदूरपश्चिमका ३१ हजारभन्दा

Loading...

Loading...