प्रदेश नं ५ को मुख्यमन्त्रीमा पोखरेल नियुक्त

खरीबोट

फाइल तस्बिर

ad

बुटवल । प्रदेश नं ५ को मुख्यमन्त्रीमा नेकपा एमाले प्रदेश संसदीय दलका नेता शंकर पोखरेल नियुक्त भएका छन् । 

प्रदेश प्रमुख उमाकान्त झाले आज पोखरेललाई नेपालको संविधानको धारा १६८ को उपधारा २ बमोजिम प्रदेश नं ५ को मुख्यमन्त्रीमा नियुक्त गरेको प्रदेश प्रमुखको कार्यालयका तर्फबाट सचिव सनतकुमार दवाडीले पत्रकार सम्मेलन गरी जानकारी दिए । 

एमाले र नेकपा माओवादी केन्द्र को समर्थनसहित पोखरेललाई मुख्यमन्त्रीमा नियुक्त गर्न माओवादी केन्द्र संसदीय दलका नेता कुलप्रसाद केसीले आइतबार प्रदेश प्रमुख समक्ष दाबी पेश गरे । 

पत्रकार सम्मेलनमा वितरित प्रेस विज्ञप्तिमा ‘५ नं प्रदेशमा कुनैपनि दलले बहुमत प्राप्त नगरेको अवस्थामा प्रदेशसभाको कूल ८७ सदस्यमध्ये एमालेको ४१ र माओवादी केन्द्रको २० गरी ६१ जना सदस्यको एमाले नेता पोखरेललाई समर्थनको निर्णयबमोजिम मुख्यमन्त्रीमा नियुक्त गरिएको’ उल्लेख छ । 

नवनियुक्त मुख्यमन्त्री पोखरेलले बिहीबार अपराह्न २ बजे प्रदेश प्रमुखको निजी सचिवालयमा शपथ ग्रहण गर्ने कार्यक्रम तय गरिएको छ । 

मुख्यमन्त्री पोखरेलले बिहीबार नै सानो आकारको मन्त्रिमण्डल गठन गर्ने एमाले संसदीय दलका प्रमुख सचेतक भूमिश्वर ढकालले जानकारी दिए ।

सम्बन्धित समाचार

‘सिंहदरबारको अधिकार गाँउमा’ भन्ने नारामा मात्र सीमित

लिवाङ, रोल्पा । रोल्पामा नारामा मात्र सिंहदरबार आएको एक कार्यक्रममा सहभागीहरुले गुनासो गरेका छन् ।  ५ नं प्रदेशको मुख्य कार्यालय बुटवलको आयोजनामा प्रदेशसभा तथा प्रदेशसभा सचिवालयसम्बन्धी जानकारीमूलक आज यहाँ आयोजित अन्तक्र्रिया

प्रदेश नं ५ मा संसदीय दलको नेतृत्व कमजोर भएको काँग्रेस निष्कर्ष

रुपन्देही । नेपाली काँग्रेस जिल्ला सभापतिको प्रदेशस्तरीय पहिलो बैठकले प्रदेश नं ५ को संसदीय दलको नेतृत्व कमजोर भएको निष्कर्ष निकालेको छ ।  प्रेस युनियन रुपन्देहीले बुटवलमा आज आयोजना गरेको पत्रकार सम्मेलनमा

प्रदेश सांसदद्वारा सांसद विकास कोषको अवधारणा दोहोर्याउन माग

रुपन्देही । प्रदेश नं ५ का प्रदेशसभा सदस्यले निर्वाचन क्षेत्र विकास कार्यक्रम र सासंद विकास कोषको अवधारणा दोहोर्याउन  माग गरेका छन् ।  प्रदेश नं ५ को विनियोजन विधेयक, २०७५ का सिद्धान्त,

प्रदेश नं ५ को विनियोजन विधेयक २०७५ मा सैद्धान्तिक छलफल

रुपन्देही । प्रदेश नं ५ को विनियोजन विधेयक, २०७५ का सिद्धान्त, उद्देश्य, प्राथमिकता र प्रमुख नीतिहरु कर प्रस्तावबाहेक का सम्बन्धमा आज छलफल भएको छ ।  छलफलमा भाग लिँदै प्रदेशसभा सदस्यहरुले विनियोजन