विश्वकप छनोटमा पुग्न नेपालका लागि आजको खेल महत्वपुर्ण

खरीबोट

फाइल तस्विर । 

काठमाडौँ । विश्वकप छनोट खेल्न नेपाललाई आज क्यानडालाई हराउनै पर्ने दबाब परेको छ । 

आइसिसी विश्व क्रिकेट लिग डिभिजन टूअन्तर्गत मंगलबार भएको खेलमा नामिबियाले केन्यामाथि आठ विकेटको जित हात पारेसँगै रनरेटको आधारमा नेपाललाई पछि पार्दै नामिबिया अंक तालिकाको दोस्रो स्थानमा उक्लिएको छ । 

अन्तिम चरणको खेल बाँकी हुँदा क्यानडा, नामिबिया र नेपालको समान ६ अंक छ । तर रनरेटमा पछि रहेको नेपाल तेस्रो स्थानमा झरेको छ । 

बुधबार अन्तिम दिन हुने खेलले विश्वकप छनोटमा पुग्ने दुई टोलीको टुंगो लाग्नेछ । नेपालले बुधबार शीर्ष स्थानको क्यानडासँग खेल्दैछ भने नामिबियाले चौथो स्थानको युएइसँग खेल्नेछ । अब नेपालले शीर्ष दुईमा स्थान बनाउँदै वान डे वल्र्डकप क्वालिफायरमा स्थान बनाउन क्यानडालाई हराउनै पर्नेछ । हराउन असफल भएमा नेपालको यात्रा डिभिजन टू मै यथावत रहने सम्भावना बढी हुन्छ । 

डिभिजन टू को शीर्ष दुई स्थानमा रहने टोली वल्डकप क्वालिफायरमा छनोट हुनेछन् भने तेस्रो र चौथो स्थानमा रहने टोली डिभिजन टू मै यथावत रहनेछन् । अहिलेसम्म एक खेल पनि जित्न नसकेको केन्या डिभिजन टुबाट थ्री मा घटुवा भइसकेको छ ।

नेपालले समूह चरणको अन्तिम खेलमा आज शीर्ष स्थानमा रहेको क्यानडाको सामना गर्नेछ । पहिलो खेलमा नामिबियामाथि रोमाञ्चक जित निकालेको नेपालले दोस्रो खेलमा ओमानसँग हार व्यहोरेको थियो भने तेस्रो खेलमा सोमबार युएइलाई हराएको थियो । 

नेपालले क्यानडासँग खेल्दा घरेलु टोली नामिबियाले युएइको सामना गर्नेछ । यदि नेपालले जित्यो भने सोझै फाइनलसँगै विश्वकप छनोटमा स्थान पक्का गर्नेछ । गत असोजमा नेपाल डिभिजन वानबाट डिभिजन टु मा घटुवा भएको थियो ।

 

सम्बन्धित समाचार

नेपाली राष्ट्रिय क्रिकेट टिम आज श्रीलंका जादै, यस्तो छ श्रीलंकामा अभ्यास खेलको तालिका 

काठमाडौँ।  आगामी भदौ १३ देखि हुने एशिया कप क्वालिफायरको तयारीका लागि नेपाली राष्ट्रिय क्रिकेट टिम आज श्रीलंका जादै छ । नेपालले श्रीलंकामा तीन अभ्यास खेल खेल्ने नेपाली क्रिकेट टिमका म्यानेजर

इङल्याण्डसँगको तेस्रो टेस्ट भारतको नियन्त्रणमा

काठमाडौँ। इङल्याण्ड र भारतबीच जारि तेस्रो टेस्ट क्रिकेट दोस्रो दिनको खेल सकिदासम्म भारतले आफ्नो नियन्त्रणमा राखेको छ।  पहिलो पारीमा ३२९ रन जोडेको भारतले इङल्याण्डलाई पहिलो पारीमा १६१ रनमा अलआउट गरेपछि

अस्ट्रेलियाका तिब्र गतिका बलर मिचेल जोनसनले लिए सन्यास

काठमाडौँ।  अस्ट्रेलियाका तिब्र गतिका बलर मिचेल जोनसनले सबै प्रकारका क्रिकेटबाट सन्यास लिएका छन्। सन् २०१५ मा अन्तर्राष्ट्रिय क्रिकेटबाट सन्यास लिएका जोनसनले त्यसपछि टि-२० लिग खेल्ने गरेका थिए। उनले  कोलकोता नाइटराइडरबाट

तेस्रो टेस्टको पहिलो दिन भारत बलियो स्थितिमा, कोहलीले ९७ र रहानेले ८१ रन बनाए  

काठमाडौँ।  इङल्याण्ड र भारतबीच जारी तेस्रो टेस्टको पहिलो दिन भारत सम्हालिएर खेलेको छ।  पहिलो दिनको खेल सकिदा भारतले ६ विकेट गुमाएर ३०७ रन बनाएको छ।  टस हारेर पहिला ब्याटिंग गरेको भारतले