विकाससंगै मासिन थाले पुराना चौतारी

खरीबोट

रामपुर । परम्परादेखि गाउँघरमा स्थानीयले संरक्षण र जगेर्ना गर्दै आइरहेका चौतारी मासिनेक्रम बढ्दो छ । 

गाउँमा विकास निर्माणका काम हुँदै जाँदा पुराना चौतारी मासिन थालेका हुन् । गर्मीको समयमा शीतलता प्रदान गर्न, बाटो हिँड्ने बटुवालाई आराम गर्नका लागि गाउँघरमा लगाइएका वरपिपलसहितका चौतारीहरु अहिले विकास निर्माणका नाममा धमाधम मासिँदैछन् । पुराना पुस्ताले भने चौतारी जोगाउनुपर्छ भन्ने आवाज उठाउँदै आइरहेका छन् । 

रामपुर नगरपालिका क्षेत्रमा रहेका पुराना चौतारी सडक निर्माण तथा विस्तार गर्नेक्रममा स्थानीयद्वारा नै मासिन थालेका हुन् । रामपुर नगरपालिकाले गाउँका ग्रामीण सडकलाई प्राथमिकता दिएर काम गर्न थालेपछि चौतारी मासिँदै गएको हो । 

वरपिपलसहितको चौतारीमा स्थानीयले पूजाआजा गरेर यसको पौराणिक महत्वलाई ध्यानमा राखी संरक्षण तथा जगेर्ना गरेका चौतारी अहिले मासिन थालेपछि चिन्ता लागेको रामपुरका बृद्ध नेत्रप्रसाद तिवारी बताउँछन् । 

गाउँको विकास भएन भने जनता सधैँ अन्धकारमा बस्न बाध्य हुनेछन्, त्यसैले गाउँको विकास र परिवर्तनका लागि पुराना चौतारी मासेर सडक विस्तार गर्ने काम अगाडि बढाएको बहखोला सुन्दरटोल बसपार्क बाटो निर्माण समितिका सचिव सागर रेग्मी बताउँछन् । 

सडक विस्तार नहुँदा दुर्घटनाको जोखिम पनि बढेपछि रामपुरका विभिन्न ग्रामीण सडक मर्मत तथा विस्तारका क्रममा चौतारी हटाउन थालिएको रेग्मीको भनाइ छ ।

सम्बन्धित समाचार

अवरुद्ध बुटवल –पाल्पा सडक खण्ड सञ्चालनमा

बुटवल।  अविरल वर्षाले पहिरो खस्दा अवरुद्ध सिद्धार्थ राजमार्गअन्तर्गत बुटवल –पाल्पा सडक खण्ड सञ्चालनमा आएको छ ।  पाल्पाको तिनाउ गाउँपालिका–३, हेडबक्स भन्ने स्थानमा पहिरो खसेपछि आज बिहानदेखि अवरुद्ध सडक भरखरै सञ्चालनमा आएको

बुटवल पाल्पा सडक अवरुद्ध

बुटवल / बिहानदेखि परेको अविरल वर्षाले पहिरो खस्दा सिद्धार्थ राजमार्गअन्तर्गत बुटवल पाल्पा सडकखण्ड अवरुद्ध भएको छ ।  पाल्पाको तिनाउ गाउँपालिका–३, हेडबक्स भन्ने स्थानमा पहिरो खसेपछि आज बिहानदेखि नै सडक अवरुद्ध भएको

पाल्पा बस दुर्घटना : १६ जना घाइतेको सकुशल उद्धार

रामपुर, पाल्पा । तानसेन नगरपालिका–७ भालेबासमा आज बिहान यात्रुवाहक बस दुर्घटना हुँदा १६ जना घाइते भएका छन् ।  विपरीत दिशाबाट आउँदै गरेको गाडीलाई बाटा दिने क्रममा बुटलबाट पोखरातर्फ जाँदै गरेको लु १

पाल्पामा शैक्षिक प्रमाणपत्र धितो राखेर ऋण प्रदान

रामपुर, पाल्पा । सरकारले शैक्षिक प्रमाणपत्रका आधारमा ऋण दिने व्यवस्था गरेसँगै स्थानीय सरकारले शैक्षिक प्रमाणपत्रका आधारमा ऋण प्रदान गर्न थालेका छन् ।  जिल्लाको बगनासकाली गाउँपालिकाले युवालाई शैक्षिक प्रमाणपत्र धितो राखेर ऋण दिने